ચોઘડિયા અને મુહર્ત જોવા મળશે આઈફોન પર!

ચોઘડિયા અને મુહર્ત જોવા મળશે આઈફોન પર!

ભારતના પ્રસિદ્ધ કેલેન્ડર કાલનિર્ણયનું મુંબઈમાં કંઇક અલગ રીતે ફરી અવતરણ થયું છે. વાસ્તવમાં આ કેલેન્ડરે ટેક્નોવર્લ્ડમાં પણ ધમાલ મચાવી છે. ભારતનું આ પ્રખ્યાત કેલેન્ડર હવે તમારા ઘરની દિવાલો પરથી તમારા ખિસ્સામાં આવી ગયું છે. જો તમે આઈફોન, આઈપેડ કે આઈપોડ ટચનો ઉપયોગ કરતા હો તો તમે માત્ર એક એપ્લીકેશનની મદદથી કાલનિર્ણય કેલેન્ડર એક્સેસ કરી શકો છો.

આ એપ્લીકેશનની કિંમત છે માત્ર 150 રૂપિયા

આ એપ્લીકેશનને ડાઉનલોડ કર્યા બાદ તમને બધી જ જરૂરી જાણકારીઓ એલર્ટ તરીકે મળતી રહેશે. તમે તેને તમારી રીતે સેટ પણ કરી શકશો.કાલનિર્ણયનું અત્યારનું સંસ્કરણ માત્ર મરાઠી ભાષામાં ઉપલબ્ધ છે, પરંતુ અન્ય ભાષામાં પણ આ એપ્લીકેશન જલ્દી જ મળવા લાગશે. આ જ પ્રકારે કાલનિર્ણય એપ્લીકેશન ગૂગલના એન્ડ્રોઇડ પ્લેટફોર્મ પર પણ લાઇવ થશે. અત્યારે આ એપ્લીકેશન માત્ર એપ્પલના આઈઓએસ-4 વર્ઝન પર જ છે. આ એપ્લીકેશનની કિંમત છે માત્ર 150 રૂપિયા.
 

Read More

જે ગીત જોઈએ તે વાગશે

જે ગીત જોઈએ તે વાગશે
નવા કાર સ્ટીરિયો હવે હજારો ગીતોમાંથી આપની પસંદનું ગીત જ વગાડશે. આપને માત્ર પોતાની પસંદના ગીતો જણાવવાનાં રહેશે. આ કાર સ્ટીરિયોનું નામ ‘પેરોટ એસ્ટિરોઈડ’ રાખવામાં આવ્યું છે. આ એવો પ્રથમ કાર સ્ટીરિયો છે જે એપિ્લકેશન પણ ડાઉનલોડ કરી શકે છે. તેનો અર્થ એવો કે આ સીધી જ ઓનલાઈન મ્યૂઝિક સર્વિસ સાથે પણ કનેકટ થઈ શકે છે. આ સ્ટીરિયોમાં ગૂગલના એન્ડ્રોઈડ મોબાઈલ ફોનનું સોફ્ટવેર ઉપયોગમાં લેવાયું છે. તેને બનાવનાર ફ્રેન્ચ કંપની ‘પેરોટ’ના જણાવ્યા અનુસાર આ સ્ટીરિયોની કિંમત એક સામાન્ય કાર સ્ટીરિયો જેટલી જ રહેશે. 

Read More

ગૂગલના એન્ડ્રોઈડ પર ચાલશે મોટોરોલાનું ઝૂમ ટેબલેટ પીસી

ગૂગલના એન્ડ્રોઈડ પર ચાલશે મોટોરોલાનું ઝૂમ ટેબલેટ પીસી

ટેબલેટ કમ્પ્યૂટરના વધતા બજારમાં એપ્પલ, સેમસંગ અને ત્યારબાદ મોટોરોલા કંપની પણ સામેલ થવા જઈ રહી છે. આ કંપની ટૂંક સમયમાં પોતાનું ટેબલેટ પીસી ‘ઝૂમ’ લોન્ચ કરી રહી છે. આ પીસી ગૂગલના એન્ડ્રોઈડના નવા વર્ઝન ‘હનીકોબ્સ’ પર ચાલશે. મોટોરોલાના ચીફ એક્ઝિક્યૂટીવ સંજય ઝાએ આ જાણકારી અમેરિકાના લાસ વેગાસમાં આયોજિત કંઝ્યૂમર ઈલેક્ટ્રિક શો દરમિયાન કરી હતી.

તેમણે જણાવ્યું હતું કે ઝૂમ આ વર્ષે પહેલા ત્રિમાસિક ગાળામાં બજારમાં ઉપલબ્ધ થશે. ઝૂમનો આકાર લગભગ એપ્પલના આઈપેડ જેવો જ છે. તેનો સ્ક્રીન ૧૦.૧ ઈંચનો છે.

Read More

૩-ડી ટીવીનું વેચાણ અપેક્ષા કરતાં ઘણું ઓછું હોવાથી તોશિબા નિરાશ

૩-ડી ટીવીનું વેચાણ અપેક્ષા કરતાં ઘણું ઓછું હોવાથી તોશિબા નિરાશ
તોશિબા કંપનીના ૩-ડી ટીવીનું વેચાણ અપેક્ષા કરતાં ઘણું ઓછું હોવાથી કંપની નિરાશ છે. આ ૩-ડી ટીવી જોવા માટે વિશેષ પ્રકારના ચશ્માંની જરૂર પડે છે. કંપનીના ટીવી યુનિટના પ્રમુખ મસાકી ઓસમીએ જણાવ્યું હતું કે ટીવીના કુલ વેચાણમાં ૩-ડી ટીવીની ટકાવારી માત્ર ૧૫થી ૨૦ ટકા છે. જ્યારે તેનું લક્ષ્ય ૫૦ ટકા સુધી પહોંચવાનું હતું.

જાપાનથી યુરોપ અને અમેરિકા સુધી ક્યાંય પણ ૩-ડી ટીવીના વેચાણમાં સારો પ્રતિસાદ જોવા મળ્યો નથી. ઓસમીએ જણાવ્યું હતું કે કદાચ ૩-ડી ટીવીની કિંમત વધારે હોવાથી આમ બની શકે છે. ખાસ કરીને ચશ્માં મોંઘા હોવાની સમસ્યા પણ છે. આ ઉપરાંત લોકો ટીવી સામે ચશ્માં પહેરીને બેસવાનું પણ પસંદ કરતા નથી.
 

Read More

સ્પામ ઈ-મેલમાં ઘટાડો થયો

સ્પામ ઈ-મેલમાં ઘટાડો થયો

છેલ્લા કેટલાક મહિનામાં સ્પામ ઈ-મેલની સંખ્યામાં નોંધપાત્ર ઘટાડો જોવા મળ્યો છે. જોકે હજુ ચોક્કસપણે એ નથી જાણી શકાયું કે આ ઘટાડો શા માટે થયો છે. તજજ્ઞોના માનવા પ્રમાણે આ ઘટાડો કદાચ લાંબા સમય સુધી નહીં રહે. સ્પામ ઈ-મેલ આ ઘટાડો ઓગસ્ટ મહિનાથી જોવા મળ્યો છે. ક્રિસમસ દરમિયાન સ્પામ ઈ-મેલની સંખ્યામાં મોટાપાયે ઘટાડો જોવા મળ્યો છે.

એક સિકયુરિટી ફર્મના જણાવ્યા અનુસાર ઓગસ્ટમાં રોજના ૨૦૦ અબજ સ્પામ ઈ-મેલ મોકલાતા હતા. પરંતુ ડિસેમ્બરમાં આ સંખ્યા ઘટીને ૫૦ અબજ થઈ ગઈ છે. સિમેન્ટેક હોસ્ટેડ સર્વિસિઝના વરિષ્ઠ વિશ્લેષક પોલ વૂડે જણાવ્યું હતું કે સ્પામ ઈ-મેલ મોકલનાર સૌથી મોટા નેટવર્કની ગતિવિધિ ક્રિસમસ વખતે ઓછી થઈ ગઈ હતી. પરંતુ આવું શા માટે થયું તે જાણી શકાયું નથી.
 

Read More

સંગીતના શોખીનો માટે નવી શોધ 'કૉવૉન ડી-3 પ્લેન્યુ'

સંગીતના શોખીનો માટે નવી શોધ 'કૉવૉન ડી-3 પ્લેન્યુ'

નવા વર્ષની શરૂઆતની સાથે જ સંગીતના શોખીનો માટો ટેક્નોલોજી બજારમાં આવી રહ્યાં છે, હલ્કા-ફુલ્કા, આકર્ષક મેમરી ક્ષમતા વાળા અને વ્યાજબી કિંમતોના મ્યૂઝિક પ્લેયર.

શ્રેષ્ઠ ગુણવત્તા વાળા મ્યૂઝિક પ્લેયર બનાવનારી દક્ષિણ કોરિયાની દિગ્ગજ કંપની કૉવૉન વર્ષ 2011માં શાનદાર મલ્ટીમીડિયા મ્યૂઝિક પ્લેયર 'કૉવૉન ડી-3 પ્લેન્યુ' પ્રસ્તુત કરશે.

તેમાં 3.7 ઇન્ચની ડિસ્પલે સ્ક્રીન આપવામાં આવી છે. સાથે-સાથે તેમાં વાઈ-ફાઈ, બ્લૂટૂથ, એફએમરેડિયો, ફોટો આલ્બમ અને માઇક્રો એસડી કાર્ડ પણ આપવામાં આવી રહ્યું છે.

આ મ્યૂઝિક પ્લેયરમાં 8 જીબી, 16 જીબી અને 32 જીબી મેમરી ક્ષમતા ઉપલબ્ધ રહેશે. તેમાં ગીતો સાંભળવાની સાથે સાથે ઉચ્ચ ગુણવત્તા વાળા વીડિઓની પણ મજા માણી શકાય છે અને તે પણ ગૂગલના એન્ડ્રોયેડ પ્લેટફોર્મ ઉપર.
 

Read More

દારૂડિયા કારચાલકને સબક શીખવાડતુ ડિવાઈસ

દારૂડિયા કારચાલકને સબક શીખવાડતુ ડિવાઈસ

વિશ્વમાં મોટાભાગના રોડ એક્સિડન્ટ દારૂ પીને કાર ચલાવવાને કારણે થાય છે. બધા દેશો માટે આ એક મોટી સમસ્યા છે. આ સમસ્ યાનુ નિવારણ લાવવા માટે વૈજ્ઞાનિકોએ એક એવુ ઉપકરણ તૈયાર કરવાનો દાવો કર્યો છે કે જેને વાહનમાં લગાડ્યા પછી કાર ચાલુ જ નહીં થાય.


કારચાલક જો નશામાં ધૂત હશે તો કાર આગળ જશે જ નહીં. જો તમે નશામાં ધૂત થઈને કારમાં બેસશો તો કાર આગળ નહીં જાય તેનો અર્થ કે તમારો નશો ઉતરે તે પછી જ કાર આગળ જશે.


આ નવી ટેકનોલોજીમાં વાહનમાં એવા સેન્સર લગાડવામાં આવશે જે બહુ જ સંવેદનશીલ હશે. કારમાં બેસતાની સાથે જ તમારા શરીરમાં રહેલા આલ્કોહોલનુ પ્રમાણની જાણ થઈ જશે.


અમેરિકાના રાષ્ટ્રિય રાજમાર્ગ સુરક્ષા પ્રશાસનના પ્રશાસક ડેવિડ સ્ટ્રિકલેન્ડનુ કહેવુ છે કે આ ઉપકરણની શોધથી દર વર્ષે હજારો લોકોનો જીવ બચી જશે અને દુર્ઘટનાઓ ટળશે.


આ ઉપકરણને લગાડવા માટે વધુ ખર્ચ કરવાની પણ આવશ્યકતા નહીં પડે.
 

Read More

ડ્રાઇવર વગર ચાલતી કાર: ઈએન-વી

ડ્રાઇવર વગર ચાલતી કાર: ઈએન-વી

તમને ગાડી ચલાવતા ન આવડતી હોય અને ગાડીમાં ફરવું હોય તો ગભરાશો નહીં

જો તમે કાર ચલાવવાના શોખીન હો અને તમને ડ્રાઇવિંગ ન આવડતું હોય તો હવે તમારે દુઃખી થવાની જરાય જરૂર નથી. એક ખાસ પ્રકારની કારમાં તમારે ડ્રાઇવ કરવાની જરૂર નહીં પડે. આ ગાડીને એક ખાસ મોડ પર સેટ કર્યા પછી તે પોતાની મેળે જ ચાલતી રહેશે. એટલું જ નહીં પોતાના વિશેષ આકારના કારણે તે વધારે ટ્રાફિકમાં પણ સરળતાથી પોતાનો રસ્તો કરી લેશે અને જાતે જ પાર્ક થઈ જશે. બે સીટવાળી આ કારનું નામ છે, ઈન-વી એટલે કે ઈલેક્ટ્રિક નેટવર્ક્ડ વેહીકલ.:

આ કારને બનાવવામાં પર્યાવરણ સંરક્ષણનો પણ પૂરો ખ્યાલ રાખવામાં આવ્યો છે. વીજળીથી ચાલનારી આ કારમાં ઉર્જાનો વપરાશ બહુ જ ઓછો થશે. જનરલ મોટર્સ દ્વારા બનાવવામાં આવેલી આ કાર 360 ડિગ્રી એંગલ પર ફરી શકે છે. આ સિવાય તેને એક નિશ્ચિત મેન્યુઅલ મોડમાં સેટ કરીને ડ્રાઇવર વગર પણ ચલાવી શકાય છે. આ કારની કિંમત કંપની સામાન્ય માણસની પહોંચ પ્રમાણે રાખવાનું વિચારી રહી છે.

આ કારની બેટરી એક વખત આખી ચાર્જ થઈ ગયા પછી તેને 40 કિલોમીટર સુધી ચલાવી શકાય છે. તે વધારેમાં વધારે 40 કિલોમીટર પ્રતિ કલાકની ઝડપે ચાલી શકે છે.
 

Read More

ટેબલેટ ક્યારેય પીસીનું સ્થાન નહીં લઈ શકે

ટેબલેટ ક્યારેય પીસીનું સ્થાન નહીં લઈ શકે
લેનોવો કંપનીએ જણાવ્યું હતું કે ટેબલેટ કમ્પ્યૂટરના વેચાણમાં સારી વૃદ્ધિ જોવા મળી છે પરંતુ તે ક્યારેય પર્સનલ કમ્પ્યૂટરનું સ્થાન નહીં લઈ શકે. કંપનીના ચીફ ઓપરેટિંગ ઓફિસર રોરી રોડનું અનુમાન છે કે પીસીના બજારમાં ટેબલેટ વધુમાં વધુ ૧૦થી ૧૫ ટકા હિસ્સો લઈ શકે છે. તેમણે જણાવ્યું હતું કે ‘મારા મતે ટેબલેટ નેટબુકનું સ્થાન લઈ શકે છે. નેટબુક હવે ખતમ થઈ રહ્યાં છે.’ તેઓ માને છે કે લેનોવોના ટેબલેટથી તેમની કંપનીના પર્સનલ કમ્પ્યૂટરના વેચાણ પર કોઈ અસર નહીં પડે. આ વર્ષે પીસીના બજારમાં ૪૦ કરોડ યુનિટ વેચાવાનું અનુમાન છે. 

Read More

વિજ્ઞાનમાં તમને કેવો રસ છે?

વિજ્ઞાનમાં તમને કેવો રસ છે?

આમ તો તમે આ વાંચતા હશો ત્યારે નવા વર્ષનો ઉત્સાહ જુનો થઈ ગયો હશે, છતાં, નવા વર્ષમાં કંઈક નવું કરવાનો ઉમંગ હજી ઓસર્યો ન હોય તો એક સૂચન, નવા વર્ષમાં વિજ્ઞાનને પાઠ્યપુસ્તકોની બહાર લઈ આવવા કંઈક કરીએ તો કેવું?તમે વિદ્યાર્થી, વાલી કે શિક્ષક હો અને તમારી નજર આવતા માર્ચ કે એપ્રિલ મહિનાની પરીક્ષાથી આગળ પણ પહોંચતી હોય અને તમને વિજ્ઞાનમાં ખરેખર ઊંડો રસ હોય તો અમેરિકાના બોસ્ટનમાં રહેતા ‘સાયન્સ બોબ’ સાથે તમને ગોઠશે.

આ ‘સાયન્સ બોબ’ ભાઈએ ‘મેકિંગ સાયન્સ ફન એન્ડ ઇન્ટરેસ્ટિંગ’ એવો જીવનમંત્ર બનાવી લીધો છે અને એ એમનો કદાચ નવા વર્ષનો નિર્ધાર નહીં હોય એટલે લાંબો સમય અસરકારક રીતે ચાલ્યો પણ ખરો. આ બોબનું આખું નામ પણ છે, પણ એટલું ગરબડીયું છે કે એમણે ‘સાયન્સ બોબ’નું ઉપનામ અપનાવી લીધું છે અને એમની સાઇટ (www.sciencebob.com) જોતાં લાગે છે એમણે ઉપનામને જીવી બતાવ્યું છે.

તો વાત કરીએ આ સાઇટની. સાઇટ ખરેખર વિજ્ઞાનનો ખજાનો છે. ‘સાયન્સ એક્સપરિમેન્ટ વિભાગ’માં વિજ્ઞાનના વિવિધ સિદ્ધાંતોને આધારે જુદા જુદા પ્રયોગો સમજાવ્યા છે. અહીં પ્રયોગ માટે જોઈતી સામગ્રી અને પ્રયોગ કરવાની રીત ઉપરાંત પ્રયોગ કેવી રીતે કામ કરે છે એની સમજણ તો આપી જ છે, સાથોસાથ એની પાછળનું વિજ્ઞાન પણ સમજાવવામાં આવ્યું છે.

‘સાયન્સ કવેશ્વન્સ એન્ડ આન્સર્સ’ના વિભાગમાં વિવિધ સવાલોનો સરળ ઉત્તર મળી રહે છે. જેમ કે, કોઈ વ્યક્તિનો ક્લોઝઅપ ફોટોગ્રાફ લેવા જતાં ફોટોગ્રાફમાં આંખની કીકીઓ લાલ થઈ ગયેલી દેખાય છે. આવું કેમ થાય છે? એવો સવાલ થતો હોય તો તેનો જવાબ આ સાઇટ પરથી મળી રહેશે.

‘વિડિયોઝ’ સેકશનમાં જુદા જુદા પ્રયોગો લાઇવ જોવા મળશે. અહીંથી તમે સાયન્સ બોબની યુટ્યૂબ ચેનલ પર પણ પહોંચી શકો છો. વિડિયો ઉપરાંત, એ વિડિયો કે આખી સાઇટ પાછળનો જે મૂળ હેતુ છે એ મુજબ જો તમને પણ એ પ્રયોગ કરવાનું મન થાય તો ફરી તેની વિગતો, સૂચના અને પ્રયોગ પાછળનું વિજ્ઞાન સમજાવતી માહિતીનું પાનું તો મળી જ રહેશે!

‘સાયન્સ ફેર આઇડિયાઝ’ વિભાગમાં વિદ્યાર્થીઓ અને શિક્ષકોને વધુ મજા પડે તેમ છે. અહીં વાત માત્ર આઇડિયા પૂરતી સીમિત નથી. અહીં પ્રયોગ એટલે કે એક્સપરિમેન્ટ અને ડેમોન્સ્ટ્રેશન એટલે કે નિદર્શન વચ્ચેનો તફાવત પણ સરસ રીતે સમજાવવામાં આવ્યો છે. જેમ કે, વિજ્ઞાન મેળામાં વિજ્ઞાનના વિવિધ સિદ્ધાંતો કે કુદરતી પરિબળો કેવી રીતે કામ કરે છે એ દર્શાવતાં મોડેલ બનાવવામાં આવે તો એ થયું માત્ર નિદર્શન. પણ, જો એ વાતમાં વધુ ઊંડા ઊતરીને કંઈક નવું કરવાનો પ્રયાસ કરવામાં આવે તો એ થયો પ્રયોગ. આ સાઇટ પર આ પ્રકારના વિવિધ અખતરાની માહિતી છે અને તેમાં નિદર્શનથી આગળ વધીને, તેને પ્રયોગ કઈ રીતે બનાવી શકાય, ક્યા સવાલોને આધાર બનાવીને આગળ વધી શકાય એ પણ સમજાવવામાં આવ્યું છે.

તેમ, વૈજ્ઞાનિક દ્રષ્ટિકોણ કેવી રીતે કેળવી શકાય એ દર્શાવતું પેજ લખાયું છે વિદ્યાર્થીઓ માટે, પણ વાલીઓએ અને શિક્ષકોએ ખાસ વાંચવા જેવું છે.બધું મળીને, ડિઝાઈન કે નેવીગેશનની રીતે આ સાઇટ ‘ક્લાસી’ની કક્ષામાં આવે એવી નથી, પણ એક વ્યક્તિ, કોઈ એક વિષય પ્રત્યેના તેના પેશનને કેવી રીતે આગળ ધપાવી શકે છે અને કેવી રીતે એનો લાભ બીજા અનેક લોકો સુધી પહોંચાડી શકે છે એ સમજવું હોય તો આ સાઇટ અદ્ભુત છે.

ટૂંકમાં, ‘તારે ઝમીં પર’ કે ‘થ્રી ઇડિયટ્સ’જેવી ફિલ્મ જોઈને પોતાના સંતાનને માકર્સની રેસમાં ન જોતરવાનો નિર્ધાર કરી લેવાથી કે ‘આખી એજ્યુકેશન સિસ્ટમ નકામી છે’ અથવા ‘માબાપે ગમતી લાઇન ન લેવા દીધી એટલે માર્ક ઓછા આવે છે’ એવો મનગમતો સાર તારવી લેવાથી વાત પૂરી થતી નથી. વિષયો અને એનું જ્ઞાન તો જે છે એ જ છે, તમે પોતે તેને તમારા સંતાન માટે કેટલું રસપ્રદ બનાવી શકો છો કે તમે પોતે તેમાં ઊંડા ઊતરીને કેટલા આગળ વધી શકો છો એ અગત્યનું છે.આ વાત વિગતવાર સમજવી હોય તો આ સાઇટ અચૂક જોવા નહીં, સમજવા જેવી છે.‘
 

Read More

પાણીમાં તરશે આ હોટલ!

પાણીમાં તરશે આ હોટલ!

શું તમે એવા ઘરની કલ્પના કરી શકો જેના પર ભૂકંપ અને પૂર જેવી કોઈ પણ કુદરતી આફતની અસર માત્ર ન થાય? હા, હવે આ શક્ય બની શકે છે અને આ કલ્પનાને હકીકતનુ રૂપ આપવામાં આવશે.

રશિયાની ડિઝાઈનિંગ ફર્મ રેમીસ્ટૂડિયોએ એવી હોટલની ડિઝાઈન તૈયાર કરી છે જેના પર પૂર, સુનામી, ભૂકંપ જેવી આપત્તીઓની કોઈ અસર નહીં થાય. શંખના આકારવાળી 'હોટલ આર્ક'ની ડિઝાઈન કંઈક એવી રીતે બનાવવામાં આવી છે જેના માળખા પર એકસરખો જ વજન રહેશે.

આ હોટલ પાણીમાં તરશે અને પાણી અને વીજળીની સુવિધા માટે સંપૂર્ણ રીતે પ્રકૃતિ પર આધાર રાખશે. વરસાદનુ પાણી ફિલ્ટર થઈને પીવા માટે વાપરી શકાશે અને તેમાં લાગેલા સોલાર પેનલ્સથી વીજળી પેદા કરવામાં આવશે. રેમીસ્ટૂડિયો આ કલ્પનાને હકીકતમાં કંડારવા માટે નિષ્ણાંતોની શોધમાં છે.

ઈકો ફ્રેન્ડલી હશે હોટલ
ગ્રીન હાઉસ જેવુ વાતાવરણ ધરાવતી આ હોટલ આર્કની ડિઝાઈનમાં હરિયાળીનુ પણ ધ્યાન રાખવામાં આવ્યુ છે. હોટલમાં સાફ ઓક્સિજન માટે નાના છોડવાઓ પણ રાખવામાં આવશે. હોટલનુ માળખુ રિસાઈકલેબલ પ્લાસ્ટિકમાંથી બનાવવામાં આવશે અને તેના પર ઓટો ક્લિન શીટનુ આવરણ હશે જેના કારણે તે જાતે સાફ પણ થતી રહેશે.
 

Read More

આ છે વિશ્વની સૌથી શક્તિશાળી કાર!

આ છે વિશ્વની સૌથી શક્તિશાળી કાર!

અમેરિકાના ડેટ્રોયેટ કાર શોમાં કારોનો મેળો જામ્યો છે, અને ત્યાં એકથી એક જબરદસ્ત અને શક્તિશાળી કારોનું પ્રદર્શન થઈ રહ્યું છે. વિશ્વની તમામ મોટી-મોટી કંપનીઓ પોત-પોતાની કારોને લઈને ઉપસ્થિત થઈ છે.

- તેમાં કુલ 767 હોર્સપાવરની તાકાત ક્ષમતા
- એક ઝટકાની સાથે 160 હોર્સ પાવરની શક્તિ ઉત્પન્ન કરે છે
- સ્પોર્ટ્સ કારનું એન્જીન સ્ટાર્ટ થયા પછી ઉર્જાનું સંચય કરે છે
- આ કારની બૉડી ફાઇબર રિઈન્ફોર્સ પ્લાસ્ટિકથી બનાવવામાં આવી છે

આમાંથી એક કાર છે પોર્શની સુપરકાર 918 આરએસઆર હાઈબ્રિડ. આ કારની તાકાતનો અંદાજો આ વાતથી લગાવી શકાય છે કે તેમાં કુલ 767 હોર્સપાવરની ક્ષમતા છે. એટલે કે કેટલાય પ્રકારના વિમાનોના એન્જીન પણ તેની સામે ફિક્કા પડી ગયા છે.

આ સ્પોર્ટ્સ કારનું એન્જીન સ્ટાર્ટ થયા પછી ઉર્જાનું સંચય કરે છે અને એક ઝટકાની સાથે 160 હોર્સ પાવરની શક્તિ ઉત્પન્ન કરે છે, જેનાંથી ડ્રાઈવર ઇચ્છે તેટલી સ્પીડ લઈ શકે છે.

આ કારની બૉડી ફાઇબર રિઈન્ફોર્સ પ્લાસ્ટિકથી બનાવવામાં આવી છે. આ ઇલેક્ટ્રીક હાઇબ્રિડ કાર અત્યારે મર્યાદિત સંખ્યામાં ઉત્પાદિત કરવામાં આવશે.

Read More

સોલર કારે બનાવ્યો રેકર્ડ

સોલર કારે બનાવ્યો રેકર્ડ

ઓસ્ટ્રેલિયાના વિદ્યાર્થીઓએ એક સોલર કાર તૈયાર કરી છે. આ કાર પ્રતિકલાક ૮૮ કિ.મી.ની રફ્તારે દોડી શકે છે. આ એક રેકર્ડ છે કે કારણ કે અત્યારસુધીમાં સોલરકાર આટલી ગતિએ દોડ઼તી નહોતી. તે પહેલાં સોલર કારની ગતિનો ૭૮ કિ.મી.નો રેકર્ડ હતો. ન્યૂ સાઉથ વેલ્સ યુનિવર્સિટી દ્વારા તૈયાર થયેલી આ કારને ‘સનિસ્વફ્ટ ૪વાય’ નામ આપવામાં આવ્યું છે. પ્રોજેક્ટ મેનેજર ડેનિયલ ફ્રાઇડમેને જણાવ્યું હતું કે સોલર કારની ગતિ માપવા ગિનિચ બુકના પ્રતિનિધિ પણ હાજર હતા. 

Read More

ગૂગલ દૂર કરશે ભાષાનો અવરોધ

ગૂગલ દૂર કરશે ભાષાનો અવરોધ

મોબાઇલ ફોન માટે ભાષાંતરકર્તા ઉપકરણ તૈયાર થઇ રહ્યું છે કે જેની મદદથી વિશ્વના કોઇપણ વિસ્તારના સ્થાનિક રહીશ સાથે સંવાદ સંભવ બનશે. ગૂગલ કંપની દ્વારા તૈયાર થઇ રહેલા આ ભાષાંતરકર્તા ઉપકરણનું નામ કનવઝેઁશન મોડ આપવામાં આવ્યું છે. બોલાતા વાક્યનેટ્રાન્સલેટર એંડ્રોઇડ ફોનની મદદથી રેકર્ડ કરીને બીજી ભાષામાં અનુવાદ કરીને તે સંભળાવશે.

વર્તમાનમાં પ્રાયોગિક ધોરણે આ ઉપકરણ તૈયાર થયું છે. તેમાં ગૂગલ વોઇસ અને ગૂગલ ટ્રાન્સલેટની ટેક્નોલોજીનોસંયુક્તપણેઉપયોગ કરવામાં આવ્યો છે. તે ૫૦ ભાષાનો અનુવાદ કરે છે. ગૂગલ ટ્રાન્સલેટની જેમ જ તેમાં ધીરે ધીરે સુધારો આવશે. અથૉત જેટલો વધુ અનુવાદ ફીડ કરશો તેટલું બહેતર રહેશે.
 

Read More

સોલાર કારે બનાવ્યો રેકોર્ડ

સોલાર કારે બનાવ્યો રેકોર્ડ

ઓસ્ટ્રેલિયાના વિદ્યાર્થીઓએ એક સોલાર કાર બનાવી છે જે 88 કિમી પ્રતિ કલાકની ગતિથી દોડે છે. આ એક રેકોર્ડ છે કારણ કે અત્યાર સુધી કોઈ પણ સોલાર કાર આટલી ઝડપથી નથી ચાલી શકી. આ પહેલા 79 કિમી પ્રતિ કલાકનો રેકોર્ડ નોંધાયો છે.

ન્યૂ સાઉથ વેલ્સ યુનિવર્સિટી દ્વારા તૈયાર કરવામાં આવેલી આ કારને 'સનસ્વિફ્ટ 4વાય'નામ આપવામાં આવ્યુ છે. પ્રોજેક્ટ મેનેઝર ડેનિયલ ફ્રાઈડમેને કહ્યુ છે કે ગિનીઝ વર્લ્ડ બુકના પ્રતિનિધિ પણ આની ગતિ માપવા માટે અહીં હાજર હતા.
 

Read More

આ રેફ્રિજરેટરને ટ્વિટર પર ફોલો કરો છો કે નહીં?

આ રેફ્રિજરેટરને ટ્વિટર પર ફોલો કરો છો કે નહીં?

લાસ વેગાસના કન્ઝ્યુમર ઈલેક્ટ્રોનિક્સ શો દરમિયાન સાઉથ કોરિયાની એક કંપનીએ એવુ રેફ્રિજરેટર પ્રસ્તૂત કર્યુ હતું જે સ્પીકર્સ, ટચ-સ્ક્રિન અને વાઈ-ફાઈ સાથે ઈક્વિપ્ડ છે અર્થાત તેમાં તમે જોઈએ તેવી એપ્લિકેશન ડાઉનલોડ કરી શકો છો જેમ કે ટ્વિટર.

જો તમે તમારી મનપસંદ વાનગીની રેસિપિ તમારા મિત્રો સાથે શેર કરવા માંગો તો આ રેફ્રિજરેટર તમને તત્કાલ વિકલ્પ આપે છે, તેમ સેમસંગ કંપનીના પ્રવક્તા એડમ લીએ કહ્યુ હતું.

આ રેફ્રિજરેટરની સીધી સ્પર્ધા એલજીના ટિવી સાથેના રેફ્રિજરેટ સાથે થાય તેવી શક્યતા છે. પણ તે સિવાય સેમસંગનુ રેફ્રિજરેટર એપ્રિલ મહિનાથી $3299 (યુએસ)માં બજારમાં મળવા લાગશે. આ સિવાય તેમાં પેન્ડોરા ઓનલાઈન રેડિયો, કેલેન્ડર, એક ફોટો આલ્બમ અને ટચ સ્ક્રિન નોટપેડ જેના દ્વારા તમે પરિવારના અન્ય સભ્યો માટે પિક્ચર મેસેજ દોરી શકો છો.
 

Read More

ઇંટોમાંથી બનેલ BMW કાર ખરીદશો?

ઇંટોમાંથી બનેલ BMW કાર ખરીદશો?
ચમચમાતી બીએમડબ્લ્યુ કારને જોઇને તેના પર કોઇનું પણ દિલ લાગી શકે છે. પણ જો તમારી સામે ઇંટોમાંથી બનેલ બીએમડબ્લ્યુ કાર આવી જાય તો. સાંભળીને તમને થોડું અટપટું લાગી શકે છે, પરંતુ આ સાચી વાત છે. જો કે ચીનના આર્ટિસ્ટ દાઇ ગેંજ એ ઇંટોને જોડીને નકલી બીએમડબ્લ્યુ ઝેડ4 સ્પોર્ટ્સ કાર તૈયાર કરી દીધી છે. આ અનોખી કારને દક્ષિણપૂર્વીય ચીનના શેંજહેંગ શહેરમાં ડિસ્પ્લે કરવામાં આવી છે. તેને જોવા માટે લોકોની ભારે ભીડ ઉમટી રહી છે.

આ અનોખી કારને હવે તેના ખરીદનારની રાહ છે. પરંતુ જો તમે પણ ઇંટોથી બનેલ આ બીએમડબ્લ્યુ ઝેડ 4ને ખરીદવાનું મન બનાવી રહ્યા છો તો જનાબ અમે તમને બતાવી દઇએ કે તેની કિંમત અંદાજે અસલી ઝેડ 4ની બરાબર જ છે. તેની કિંમત 1.26 લાખ ડોલર એટલે કે અંદાજે 57 લાખ રૂપિયા છે.

હા, એક ખાસ વાત એ છે કે તમે આ ઝેડ 4 નો ફકત સજાવટ માટે જ ઉપયોગ કરી શકો છે. કારણ કે તેમાં એન્જિન નથી. આ કારની લંબાઇ 5 મીટર અને પહોંળાઇ 2.15 મીટર છે.
 

Read More

ફેસબુક પર સ્ટેટસ અપડેટ હવે વોઈસ મેસેજથી

ફેસબુક પર સ્ટેટસ અપડેટ હવે વોઈસ મેસેજથી

જો તમે પણ એરસેલ મોબાઇલ સર્વિસના ગ્રાહક છો તો તમારા માટે ખુશખબરી છે.

જો કે વાત એમ છે કે એરસેલના ગ્રાહક જાણીતી સોશિયલ નેટવર્કિંગ સાઇટ ફેસબુક પર પોતાની માહિતીને પોતાના અવાજમાં પણ અપડેટ કરી શકશે. પોતાના મોબાઇલ ગ્રાહકો સુધી પોતાની ખાસ વાતો પહોંચાડવા માટે એરસેલ કંપનીએ ફેસબુક સાથે હાથ મિલાવ્યા છે.

ખાસ વાત એ છે કે આ સર્વિસ માટે મોબાઇલ ફોન પર ઇન્ટરનેટ એક્સસ કરવું જરૂરી નથી. એરસેલના ગ્રાહકોએ તેના માટે ફેસબુક પર પોતાના અંગે માહિતી અપડેટ કરવા માટે વોઇસ મેસેજ મોકલવા પડશે. આ મેસેજને પોતાના મોબાઇલ સર્વિસ પ્રોવાઇડર દ્વારા સીધી પોતાની ફેસબુક પ્રોફાઇલ પર અપડેટ કરી શકાશે.

આ નવી સર્વિસની શરૂઆત કરતાં એરસેલની તરફથી એ કહેવામાં આવ્યું છે કે ફેસબુકના શોખીન લોકોને આ સર્વિસ ઘણી જ પસંદ આવશે.
 

Read More

આઇપેડ અખબારનું લોન્ચિંગ ટળ્યું

આઇપેડ અખબારનું લોન્ચિંગ ટળ્યું
આઇપેડ માટે તૈયાર થયેલા ઓનલાઇન અખબાર ‘ધ ડેલી’ના લોન્ચિંગને કેટલાક સપ્તાહ માટે ટાળવામાં આવ્યું છે. અખબાર આ મહિને શરૂ થવામાં હતું. પરંતુ સાધનોનું કહેવું છે કે હવે અખબાર આગામી મહિને જ શરૂ થશે. એપ્પલના આઇપેડ માટે વિશેષ રીતે ડિઝાઈન કરવામાં આવેલા આ અખબારનું પ્રકાશન ન્યૂઝ કોર્પોરેશન કરશે. એપ્પલ આ અખબાર માટે એક નવું ફિચર પેશ કરવા જઇ રહ્યું છે. પરંતુ આ ફિચર હજીસુધી તૈયાર ન થઇ શકતાં અખબારનું લોન્ચિંગ ટળ્યું છ 

Read More

ઇ-રીડર પર વાંચેલું પુસ્તક યાદ રાખવું આટલા માટે મુશ્કેલ

 ઇ-રીડર પર વાંચેલું પુસ્તક યાદ રાખવું આટલા માટે મુશ્કેલ

શું તમારી પાસે ઇ રીડર છે? અને તેના પર વાંચેલા પુસ્તકોની ઘણી વાતો યાદ નથી રહેતી? સંશોધનકર્તાઓએ તેનું કારણ શોધી કાઢ્યું છે. તેમનું કહેવું છે કે ઇ-રીડર પર ઉપલબ્ધ વીજાણુ પુસ્તકોની ટેક્સ્ટ એટલી સાફ હોય છે કે તેના કારણે માનસ સુસ્ત થઇ જાય છે. તેના કારણે પુસ્તકમાં લખેલી વિગતો માનસમાં મુશ્કેલીથી અંકિત થાય છે. પ્રિંસ્ટન યુનિવર્સિટીના સંશોધનકર્તા દ્વારા થયેલા અભ્યાસમાં આ વિગત બહાર આવી છે. આ સંશોધન એ પરંપરાગત વિચારથી અલગ છે કે સ્વચ્છ લખાણ વાંચવામાં અને સમજવામાં આસાન હોય છે.

Read More

ટેબલેટ,સ્માર્ટફોન હવામાનની આગાહી પણ કરશે

ટેબલેટ,સ્માર્ટફોન હવામાનની આગાહી પણ કરશે
હવે ટેબલેટ કમ્પ્યૂટર અને સ્માર્ટફોનની મદદથી પણ હવામાન અંગેની આગાહીઓની માહિતી ઉપલબ્ધ રહેશે. ટેબલેટ અને સ્માર્ટફોનમાં તે માટે સેન્સર લાગેલા હશે. મોટોરોલા કંપનીના ટેબલેટ ‘ઝૂમ’માં એક બેરોમીટર પણ લાગેલું હશે. હવામાન નિષ્ણાત આ યંત્રની મદદથી વાયુમંડળના દબાણને માપે છે અને આવનારા તોફાન અંગે અનુમાન કરે છે.

દબાણમાં ઘટડાનો અર્થ છે વરસાદ થવાની સંભાવના. ગૂગલ કંપનીએ પણ પોતાની એંડ્રોઇડ મોબાઇલ ઓપરેટિંગ સિસ્ટમમાં બેરોમીટર લગાવવાની સુવિધા આપી દીધી છે. અથૉત એંડ્રોઇડનો ઉપયોગ કરનારી કોઇપણ મોબાઇલ નિર્માતા કંપની પોતાના હેન્ડસેટમાં બેરોમીટર લગાવી શકે છે.

Read More

કામસુત્ર વાયરસથી સાવધાન

કામસુત્ર વાયરસથી સાવધાન
એક નવા વાઇરસથી તમે સાવધાન થઇ જાઓ. સોફોસ કમ્પ્યૂટર સિકયુરિટી કંપનીએ ચેતવણી આપી છે કે હેકર્સ પાવરપોઇન્ટ ફાઇલની આડમાં આ કમ્પ્યૂટર વાઇરસનો ફેલાવો કરી રહ્યા છે. લોકોને આ પાવરપોઇન્ટ પ્રેઝન્ટેશન મોકલીને કહેવામાં આવે છે કે તેમાં કામસૂત્ર સંબંધી જાણકારી છે.

સોફોસના ગ્રેહામ કયુલીએ જણાવ્યું છે કે આ ફાઇલ ખોલતાં જ એક અસલ પાવરપોઇન્ટ પ્રેઝન્ટેશન નજરે પડશે. પરંતુ વાસ્તવમાં તેની સાથે ટ્રોઝ/બેકડોર- આરએએમ નામનો ટ્રોઝન વાઈરસ જોડાયેલો હોય છે. ફાઇલ ખૂલતાં જ આ વાઈરસ તમારા કમ્પ્યૂટરમાં પ્રવેશી જશે. તે વાઇરસની મદદથી હેકર કમ્પ્યૂટરમાં રહેલી અંગત માહિતી ચોરી શકે છે 

Read More

ગૂગલસર્ચને બનાવો જરા વધુ ધારદાર

ગૂગલસર્ચને બનાવો જરા વધુ ધારદાર

ગૂગલનો આપણે સૌ એટલો બધો ઉપયોગ કરીએ છીએ કે એમાં કશું નવું મળે એ વાત સહેલાઇથી માની શકાય એવી નથી. તેમ છતાં, ગૂગલનો, ખાસ કરીને તેના સર્ચ એન્જિનનો ઉપયોગ કરતા ઘણા બધા મિત્રો સાથેની અછડતી ચર્ચા પછી લાગે છે કે આપણામાંના ઘણા બધા લોકો, ગૂગલ સર્ચની કેટલીક ખાસિયતોથી હજી અજાણ છે.


પરિણામે થાય છે એવું કે આપણે થોડા સમયની તૈયારી સાથે ગૂગલ સર્ચમાં ઝંપલાવ્યું હોય, પણ સર્ચ એકદમ ફોકસ્ડ ન હોય તો ગૂગલ તો હનુમાનજીના અવતારની જેમ વર્તે છે, એ સંજીવનીનો આખો પહાડ આપણી સમક્ષ મૂકી દે છે એટલે આપણે એમાંથી આપણા કામની બાબત શોધતાં શોધતાં થાકી જઇએ છીએ. આ સ્થિતિ મોટા ભાગના લોકોની હોય છે એટલે જ ગૂગલ પર કેટલાક ચોક્કસ સર્ચ ઓપરેટર્સની મદદ લઈ શકાય છે. જેની મદદથી આપણા સર્ચને ઘણું બધું મર્યાદિત અથવા તો વધુ કેન્દ્રિત કરી શકીએ છીએ.


તો એક નજર, ગૂગલ સર્ચની જાણી-અજાણી વિશેષતાઓ પર...‘ તમે કોઈ ચોક્કસ શબ્દપ્રયોગ વિશે વધુ જાણવા માગતા હો તો ગૂગલના સર્ચ બોક્સમાં ડબલ ઇન્વટેંડ કોમાનો ઉપયોગ કરીને તેમાં એ શબ્દપ્રયોગ લખો. એ રીતે ચોક્કસ એ જ શબ્દપ્રયોગ ધરાવતાં પેજીસની યાદી તમને મળશે.


- તમે વાઇરસ વિશે જાણવા ઇચ્છો છો, પણ કમ્પ્યૂટરના નહીં, મેડિકલ વાઇરસ, તો સર્ચ કરો વાઇરસ માઇનસ કમ્પ્યૂટર.


‘ કોઇ એક શબ્દ નહીં, પણ તેને લગતા બધા શબ્દો વિશે સર્ચ કરવા માગો છો? તો જે શબ્દ તમારા મનમાં રમે છે તે લખો અને તેની પહેલાં, કી-બોર્ડમાં ડાબે ખૂણે, ટેબના બટનની ઉપરનું બટન પ્રેસ કરીને આવતી નિશાની લખો. એ શબ્દને મળતા આવતા બીજા શબ્દો અંગે સર્ચ થશે.


- ધારો કે તમારે ગાંધીજી અંગે, કોઇ ચોક્કસ સમયગાળા અંગે સર્ચ કરવું છે, તો સર્ચ કરો મહાત્મા ગાંધી ૧૯૩૦...૧૯૪૦.


- અચ્છા, કોઈ શબ્દ કે શબ્દ પ્રયોગ સમજવો છે, પણ એ માટે અલગ અલગ વેબસાઇટમાં ફાંફાં મારવા જેટલો સમય કે તૈયારી નથી? તો સર્ચ બોક્સમાં લખો define:gallery કે બીજો કોઈ પણ શબ્દ. તરત તમને એ શબ્દ વિશે અલગ અલગ ડિકશનરી અને રેફરન્સ બુક્સમાં અપાયેલા સંદર્ભો જાણવા મળશે.


- ઇન્ટરનેટ બહુ મોટી ખાણ છે અને તમારે તેના કોઇ ચોક્કસ ખૂણામાં જ ખોદકામ કરવું હોય તો આ તમારા કામની વાત છે. ધારો કે, તમારે ગ્લોબલ વોર્મિંગ વિશે જાણવું છે, પણ એ વિષય અંગે જાતભાતની બધી સાઇટ ફંફોસવી નથી. તો global warming site: edu લખશો એટલે માત્ર .edu પ્રકારનું ડોમેઇન ધરાવતી સાઇટમાં જ સર્ચ થશે. સાઇટ પછી તમે કોઈ ચોક્કસ સાઇટનું એડ્રેસ લખશો તો માત્ર એ સાઇટની અંદર જ સર્ચ થશે. ગૂગલનો ટૂલબાર વાપરતા હશો તો એમાં આવી અલગ અલગ સર્ચ ટાઇપ પહેલેથી ડિફાઇન થયેલી મળશે.


- ગૂગલના સર્ચ બોક્સનો કેલ્સી તરીકે ઉપયોગ કર્યો છે? (આ કોલમના જુના મિત્રોને યાદ હશે, આ વિષય પર સાવ શરૂઆતમાં લખાયેલા લેખનું શીર્ષક આવું જ કંઈક હતું) સરવાળા, બાદબાકી કે ગુણાકાર, ભાગાકાર તમે સીધા સર્ચ બોક્સમાં લખીને જવાબ મેળવી જ શકો છો, ટકાવારી શોધવી હોય તો પણ 30% of 79 જેવું લખીને પણ ધડાક કરતો જવાબ મેળવી શકો છો.


- ફૂટમાંથી મીટરમાં અને રૂપિયામાંથી ડોલરમાં કે કિલોની પાઉન્ડમાં ગણતરી કરવી હોય તો વચ્ચે ફક્ત in લખો અને તેની બંને તરફ તમારે જરૂરી શબ્દો લખો એટલે બાકીની ભેજામારી ગૂગલ કરશે.


- તમે જે તે શબ્દ પછી filetype: pdf કે ppt જેવી સ્પષ્ટતા કરીને ચોક્કસ ફાઇલ ટાઇપમાં જ સર્ચ કરી શકો છો. અહીં તમે filetype ને બદલે link કે phonebook જેવા શબ્દો લખીને પણ તમારા સર્ચને વધુ ફોકસ્ડ કરી શકો છો.


ગૂગલની આવી ખાસિયતો વિશે વિગતવાર માહિતી આપતી ઘણી સાઇટ અને વેબપેજીસ તમને મળી રહેશે નેટ પર. બસ, ગૂગલને જ કામે લગાડી દો.‘
 

Read More

આમાં મજા પડી? લો, એના જેવું બીજું!

આમાં મજા પડી? લો, એના જેવું બીજું!

િલ્મો, મ્યુઝિક, પુસ્તકો, ટીવી શોઝ વગેરેની દુનિયામાં નવોસવો રસ પડ્યો હોય અને એમાં વધુ ઊંડા ઊતરવાની ઇચ્છા હોય તો એક બિગ પ્રોબ્લેમ આવીને ઊભો રહે છે કે એક વસ્તુ એન્જૉય કર્યા પછી હવે શું? મતલબ કે, ‘સેવિંગ પ્રાઇવેટ રાયન’, ‘ઇન્સેપ્શન’, ‘હેરી પોટર’, ‘ઇટ્સ અ વન્ડરફુલ લાઇફ’, ‘ગ્લેડિયેટર’ વગેરે જેવી ફિલ્મો જોઇ હોય, મજા પડી હોય અને આવી વધુને વધુ ફિલ્મો જોવી હોય તો એવી ફિલ્મોનાં નામ ક્યાંથી મળે?


ડિટ્ટો, બિટલ્સ, સ્પાઇસ ગલ્ર્સ, પિંક ફ્લોઇડ, એન્રિક ઇગ્લેશિયસ, રેડ હોટ ચિલી પેપર્સ વગેરેનાં કોઇ આલબમ કે એકાદું ગીત સાંભળ્યું હોય પરંતુ એ ગીત કોનું છે અને એવાં વધુ ગીતો સાંભળવાની ઇચ્છા હોય તો એ કોણ શોધી આપે? એવું જ પુસ્તકોનું છે. ચેતન ભગતની ચાર નોવેલ્સ વાંચી હોય, એમાં મજા પડી હોય, અને એવી વધુ નોવેલ્સ વાંચવાની ઇચ્છા થાય તો એની માહિતી ક્યાંથી મળે?


પહેલો જવાબ ઇન્ટરનેટ હોઇ શકે. ગૂગલમાં જે તે કૃતિ કે કલાકારનું નામ એન્ટર કરો અને જે હજજારો રિઝલ્ટ્સ મળે એમાંથી ખાંખાખોળાં કરીને વધુ માહિતી મેળવી શકાય. બીજો ઓપ્શન ફેસબૂક આદિ સોશિયલ નેટવર્કિંગ સાઇટ્સ પર એનાં ગ્રુપ્સ ફંફોસીને ‘દિલ માગે મોર’ની વૃત્તિ સંતોષી શકાય. લેકિન, લોચો એ છે કે એમાં બહુ બધો ટાઇમ બગાડી, દિમાગ ખપાવીએ તેમ છતાં જે માહિતી મળે, તે આપના ટેસ્ટ મુજબની હોય જ એની કોઇ ગેરન્ટી નહીં. તો કિયા ક્યા જાયે?!


પેશ છે, ટેસ્ટકિડ (www.tastekid.com). આ સાઇટ પર જતાં વેંત એક મોટો સર્ચ બાર આપનું સ્વાગત કરશે. એની ઉપર મ્યુઝિક, મુવિઝ, શોઝ, બુકસ, ઓથર્સ વગેરે વિભાગ આપેલા હશે. તેના પર ક્લિક કરી અને સર્ચ બારમાં આપની ઇચ્છા પ્રમાણેની કૃતિ, સર્જક વગેરેનું નામ એન્ટર કરતાં વેંત એના જેવા અને તમને મજા પડી શકે એવા વિકલ્પની પંદર-સત્તર વિકલ્પની યાદી હાજર થઇ જશે. ધારો કે, તમે ‘જેફરી આર્ચર’ સર્ચ કર્યું. તો એના પરથી આપના માટે રેકમેન્ડેશન તરીકે શિડની શેલ્ડન, મારિયો પુઝો, જેફરી ડીવર, એલિસ્ટર મેકિલનથી લઇને અરુંધતી રોય, ચેતન ભગત, ખાલિદ હોસૈની સુધીના વિકલ્પ હાજર થઇ જશે.


હા, આ અદભૂત સાઇટનો વધુ કસ કાઢવા માટે આપે આપનો ટેસ્ટ ગ્લોબલ બનાવવો પડે અને આપનું અંગ્રેજી કૃતિઓનું રસપાન કરવાનું ફલક વિસ્તારવું પડે. બાય ધ વે, આપે આઇ-ફોન કે એન્ડ્રોઇડ ઓપરેટિંગ સિસ્ટમવાળો મોબાઇલ ફોન વસાવ્યો હોય તો તેના પરથી આ સાઇટ વાપરવાનાં એપ્લિકેશન્સ પણ અહીં ઉપલબ્ધ છે. અને હા, આ સાઇટ ફેસબૂક, ટિ્વટર આદિ ઠેકાણે તો હાજરાહજૂર છે જ!


બધું જ કલાસિક આપના ઇશારે!


ઓકે, ફાઇન! તમને તમારા રસની ફિલ્મો, મ્યુઝિક આલબમ્સ, પુસ્તકો વગેરેનાં નામ મળી ગયાં પરંતુ એને મેળવવા ક્યાંથી? સિમ્પલ વાત છે કે ફિલ્મો નજીકની વીડિયો લાઇબ્રેરીમાંથી મળી શકે. મ્યુઝિક આલબમ્સ ગયા મહિને વાત કરી એ listen.grooveshark.com/, www.google.co.in/music, www.saavnmusic.com, www.in.com/music વગેરે ઠેકાણેથી સાંભળવા મળી શકે પરંતુ વિશ્વકક્ષાનાં અને પ્રમાણમાં દુર્લભ એવાં પુસ્તકો મેળવવા અઘરાં પડે છે. આમ તો, એના ઉપાય તરીકે ઇન્ટરનેટ gutenberg.org, www.readprint.com જેવા વિકલ્પો ઉપલબ્ધ છે જ પરંતુ અંગત અનુભવ એવું કહે છે કે કમ્પ્યુટરના સ્ક્રીન પર બહુ બધું વાંચવું કંટાળાજનક ક્રિયા છે.


હા, કંઇક સાંભળવાનું હોય તો વાત જુદી છે. ઉપાય તરીકે પેશ છે, www.booksshouldbefree.com. આ સાઇટ નિ:શુલ્ક ઓડિયો બુકસનો ખજાનો છે. અહીં, ફિકશન, નોન-ફિકશન, ચિલ્ડ્રન, હિસ્ટ્રી, ફેન્ટસી, મિસ્ટરી, સાયન્સ ફિકશન, શોર્ટ-સ્ટોરી, કવિતા વગેરે સાહિત્યપ્રકારો પર પ્રકાશિત થયેલાં નામી પુસ્તકોનાં ઓડિયો વર્ઝન્સ સાંભળવા માટે અને માત્ર એક ક્લિકથી એમપીથ્રી, આઇપોડ કે આઇટયૂન્સ ફોર્મેટમાં ડાઉનલોડ કરવા માટે એકદમ રેડી છે. બસ, અહીં જાઓ, પુસ્તક શોધો અને કાનમાં ઇયરપ્લગ્સ ભરાવીને એ પુસ્તક સાંભળવા માંડો! એની ઇ-બૂક ડાઉનલોડ કરવી હોય કે વધુ વિગતો જાણવાની ઇચ્છા થાય તો તેની લિંકસ પણ અહીંથી મળી રહેશે.


પણ હા, અહીં આપને સાવ નવાં પુસ્તકો નહીં મળે, કેમ કે એમાં કોપીરાઇટનો મામલો આડે આવે છે પરંતુ એ પુસ્તકો આપ ઓનલાઇન બૂક શોપ્સમાંથી અને જે તે પ્રકાશકની સત્તાવાર વેબસાઇટ્સ પરથી સારા એવા ડિસ્કાઉન્ટ સાથે ધેરબેઠા મેળવી જ શકો છો.


જો વધુ ઓડિયો બૂક્સ સર્ચ કરવાની ઇચ્છા જાગે તો આ સાઇટ્સ પર પણ વન બાય વન ક્લિક કરી જુઓ: www.newfiction.com, www.thoughtaudio.com/, librivox.org/, www.podiobooks.com, www.openculture.com, www.learnoutloud.com.


ધેરબેઠાં ટાઇમટ્રાવેલ, એક જ ક્લિકથી!


અત્યારના સમયમાંથી ભૂતકાળના કોઇ સમયમાં જઇ શકવાની ‘ટાઇમટ્રાવેલ’ની સુવિધા તો હજી સાયન્સ ફિકશન કથાઓ અને થિયરીઓ પૂરતી જ મર્યાદિત રહી છે પરંતુ ઇન્ટરનેટના આગમન પછી જે માત્રામાં પુરાણા ફોટોગ્રાફ્સ, ઓડિયો અને વીડિયો કન્ટેન્ટ સામાન્ય લોકો માટે પણ તદ્દન મફતમાં ઉપલબ્ધ થયું છે, એ જોતાં એવું બેશક કહી શકાય કે ભલે, વરર્યુઅલ પણ આપણે અંશત: ટાઇમટ્રાવેલની મજા તો માણી જ શકીએ છીએ.


જેમ કે, પુરાણી તસવીરો માટે વિખ્યાત ‘લાઇફ’ મેગેઝિને લાખો તસવીરોનો ખજાનો આપણી સામે ધરી દીધો છે. એ ખજાનો મેળવવા માટે www.life.com તથા images.google.com/hosted/life અને www.timelifepictures.com પર જાઓ. પરંતુ તસવીરો ઉપરાંત વીતેલા જમાનાના વીડિયો પણ જોવા-સાંભળવામાં રસ હોય તો એક મસ્ત સાઇટ અમારે હાથ લાગી છે. નામ છે, ક્રિટિકલ પાસ્ટ (www.criticalpast.com ). આ સાઇટના દાવા પ્રમાણે અહીં પાછલાં એકસો વીસ વર્ષના ૫૭ હજારથી પણ વધુ વીડિયોઝ અને સિત્તેર લાખથી પણ વધુ ફોટોગ્રાફ્સ અવેલેબલ છે. અહીં આપ સાલ પ્રમાણે સર્ચ કરો અથવા તો તમારા મનમાં હોય તે વિષય એન્ટર કરીને સર્ચ કરો અથવા આપની જન્મતારીખે યા તો આ અઠવાડિયે કોઇ પણ સાલમાં વિશ્વમાં શું શું હલચલો થયેલી એ જાણવા માટે પણ આપ સર્ચ આપી શકો છો.


ડ્રોઇંગ રૂમમાંથી ચંદ્રાયન અને પાતાળપ્રવેશ!


અમેરિકન અંતરીક્ષ સંશોધન સંસ્થા ‘નાસા’એ એપોલો-૧૧ના ચંદ્ર પરના ઉતરાણની ચાળીસમી વર્ષગાંઠ wechoosethemoon.org નામે એક અદભૂત વેબસાઇટ બનાવીને કરી. આ સાઇટ પર આપને ચંદ્રયાત્રાનો લગભગ વાસ્તવિક અનુભવ મળી શકશે. આપણી પૃથ્વી પરથી ધીમેધીમે અદ્રશ્ય થઇ રહેલાં પીવાનાં શુદ્ધ પાણીનો જાયઝો લેવા માટે (ભીના થયા વિના) લગભગ વાસ્તવિક અનુભવ લેવો હોય, તો ક્લિક: waterlife.nfb.ca. બંને સાઇટ્સ મસ્ટ વિઝિટ!



 

Read More

ઓડીએ પણ બનાવવી પડે ભારત માટે ખાસ કાર

ઓડીએ પણ બનાવવી પડે ભારત માટે ખાસ કાર

ઓડીની લક્ઝરી કારના દિવાનાઓ માટે આવી ગયુ છે ઓડીનુ એક નવુ મોડલ. જર્મનીની ઑડી કંપનીએ ખાસ ભારતીય રસ્તાઓ ઉપર દોડતી પોતાની લોકપ્રિય સેડાન કાર આર-8નું નવું વર્ઝન 'ઑડી આર-8-5.2 એફએસઆઈ વિથ વી-10 એન્જીન' ને લૉન્ચ કર્યું છે.


આ કાર 317 કિલામીટર પ્રતિ કલાકની ઝડપે દોડે છે. આ લગભગ 0 થી 3.9 સેકેન્ડમાં 100 કિલોમીટરની ઝડપ પકડી પાડે છે. ઑડી આર-8માં 5.2 લીટર 10 સિલિન્ડર એન્જીન છે અને 90લીટર ક્ષમતા પેટ્રોલ ટેન્ક આપવામાં આવ્યુ છે.


આ અગાઉ કંપનીએ ઑડી આર-8ને વી-8 એન્જીન સાથે વર્ષ 2008માં ભારતીય બજારમાં લૉન્ચ કરી હતી. જુની ઑડી- આર - 8ની ક્ષમતા વધારવાની સાથે સાથે આ નવી કારનું ઇન્ટીરીઅર એટલુ સુંદર અને આકર્ષક બનાવવામાં આવ્યુ છે કે લોકો જોતા રહી જાય.


ખાસ ભારતીય રસ્તાઓ માટે ડિઝાઈન થયેલી આ કારની કિંમત છે લગભગ 1 કરોડ 35 લાખ રૂપિયા.


આ કારમાં તમે ડ્રાઇવ કરતા સમયે આરામથી બેસી શકો તેટલી સ્પેસ આપવામાં આવી છે, અને સીટોને એટલી આરામદાયક બનાવાઈ છે કે સેજ પણ થાક ના અનુભવાય.


આ કાર પ્રસ્તુત થવાની સાથે જ કંપનીને 15 કારોનું બુકિંગ મળી ચુક્યુ છે. કંપની ભારતીય બજારમાં પોતાની 25 ટકાની ભાગીદારી બનાવવા માંગે છે જે અત્યારે 20 ટકા છે.

 

Read More

જો જો ક્યાંક બ્રાઉઝર પર પાસવર્ડ સેવ ન કરતા

જો જો ક્યાંક બ્રાઉઝર પર પાસવર્ડ સેવ ન કરતા

જો તમે વેબ અને ઈન્ટરનેટ બ્રાઉઝરનો ઉપયોગ કરતા હોવ અને સમય બચાવવા માટે તમારો પાસવર્ડ કમ્પ્યુટર બ્રાઉઝર પર સેવ કરતા હોવ તો ચેતી જાઓ. આમ કરવાથી હેકર્સ ટ્રોઝન જેવા ટુલ્સ દ્વારા તમારી માહિતી અને પ્રાઈવેટ એકાઉન્ટ એક્સેસ કરી શકે છે, આવી ચેતવણી જર્મન કમ્પ્યુટર મેગેઝિન સી'ટી દ્વારા અપાઈ છે.

મેગેઝિનમાં સૂચવ્યા અનુસાર, જે લોકો બ્રાઉઝર પર પાસવર્ડ સેવ કરવા માંગતા હોય તેમણે માસ્ટર પાસવર્ડ જેનાથી બધી જ માહિતીનો સુરક્ષિતપણે જ એક્સેસ થઈ શકે. પણ આ સુવિધા ફાયરફોક્સ અને ઓપેરામાં જ છે.

મોઝિલા ફાયરફોક્સમાં આ ફંક્શન વાપરવા માટે તમારે એક્સટ્રા્સમાં સેટિંગમાં સિક્યુરિટીમાં જઈને "યુઝ અ માસ્ટર પાસવર્ડ" પર વિકલ્પ પર ક્લિક કરવુ. જ્યારે ઓપેરામાં પહેલી જ વાર જ્યારે પાસવર્ડ સેવ કરવામાં આવે ત્યારે તમે માસ્ટર પાસવર્ડ સેટ ન કરો તો તમને ઓટોમેટિકલી પૂછવામાં આવે છે.

ઘણા કમ્પ્યુટર યુઝર્સ પોતાની માહિતીને પૂરતી સુરક્ષા નથી આપતા. મોટાભાગના પાસવર્ડમાં 123456 હોય છે અથવા password લખેલુ હોય છે જેને હેક કરવો સાઈબર ક્રિમિનલ્સ માટે બહુ જ સરળ છે. આ સિવાય એક જ પાસવર્ડ જ્યારે બધા જ એકાઉન્ટ માટે વાપરવામાં આવે ત્યારે બહુ જ કફોડી પરિસ્થિતિ સર્જાય છે.

સી'ટી સલાહ આપે છે કે કોઈ પણ પાસવર્ડ ઓછામાં ઓછા 8 અક્ષરનો રાખવો અને દરેક અકાઉન્ટ માટે અલગ અલગ પાસવર્ડ સેટ કરવો.

Read More

મારૂતિની એસ એક્સ-4 ડિઝલ વર્ઝન

મારૂતિની એસ એક્સ-4 ડિઝલ વર્ઝન

મારૂતિની લાંબા સમયથી રાહ જોવાઈ રહેલી એસ એક્સ 4 ડિઝલ વર્ઝનમાં ફેબ્રૂઆરીના અંતમાં લોન્ચ થઈ રહી છે.

મારૂતિ ખાસ્સા સમયથી આ કારના ડિઝલ વેરિએન્ટને ઉતારવાનું વિચારી રહી હતી અને હવે મારૂતિ ફેબ્રૂઆરી મહીનાના અંતમા તેણે લૉન્ચ કરશે.

મારૂતિના ડિઝલ વેરિએન્ટ 90 વીએચપીનું જબર્દસ્ત પાવર એન્જીન લગાવામાં આવ્યુ હશે. આશા વ્યક્ત કરવામાં આવે છે કે મારૂતિ આ કારમાં 1.3 લીટરનું ડીડીઆઈએસ એન્જીન લગાવશે, જે અત્યાર સુધી મારૂતિની કોઈ પણ કારમાં નથી લગાવામાં આવ્યુ.

જાણકારો પ્રમાણે આ એક્સ ફોરના ડિઝલ વેરિએન્ટની કિંમત હશે 8 લાખથી 9 લાખ રૂપિયાની વચ્ચે રહી શકે છે.

આ સેગમેન્ટમાં તેની ટક્કર ફિઆટ લિનિયા, ફોર્ડ ફિએસ્ટા, હ્યૂન્ડાઈ વર્ના અને વોક્સવેગનની વેન્ટો સાથે થશે. પરંતુ આ કારનું પેટ્રોલ અને ડીઝલ બન્ને વેરિએન્ટમાં હોવાનું કંપની માટે પ્લસ પૉઇન્ટ હશે.
 

Read More

2012માં આવશે 18 લાખની 'એપ્રિલા'

2012માં આવશે 18 લાખની 'એપ્રિલા'

ઇટાલીની ટૂવ્હિલર વાહન નિર્માતા કંપની 'પિઆગીઓ' પોતાની નવી સુપરબાઇક એપ્રિલા ભારતમાં પ્રસ્તુત કરવા જઈ રહી છે. ભારતમાં કંપની પોતાના પગ જમાવવા માટે મોટા પ્રમાણમાં રોકાણ કરવા જઈ રહી છે. કંપની પોતાના લોકપ્રિય સ્કૂટર સાથે ફરીથી નવા અંદાજમાં સામે આવવાની તૈયારીમાં છે.

પિઆગીઓ પોતાની નવી સુપર બાઇક એપ્રિલા સાથે એક વાર ફરીથી પોતાની સાખ બનાવાની તૈયારીમાં છે. 1000 સીસી પાવરની આ સુપરબાઇક દરેક અંદાજમાં અન્ય તમામ સુપરબાઇક કરતા અલગ જ છે.

આટલુ જ નહીં, એક વાર ફરી તે બજાજ સ્કૂટરની સ્પર્ધામાં ઉતરવા માટે વેસ્પા સ્કૂટરને તદ્દન નવા અંદાજમાં રસ્તા ઉપર લાવવા જઈ રહી છે.

પિયાગીઓની આ બન્ને પ્રોડક્ટ કિંમતની દ્રષ્ટિએ સાવ જૂદા જ રહેશે. સુપરબાઇક એપ્રિલાની કિંમત 13થી લઈને 18 લાખ રૂપિયાની વચ્ચે હશે.

જ્યારે વેસ્પા સ્કૂટર સમગ્ર રીતે દેસી હશે, પણ તેની કિંમત વિદેશી એટલે કે 50 હજાર રૂપિયાની આસ-પાસ રહેશે. કંપનીના આ બન્ને વાહનો આવતા વર્ષે, એટલે કે 2012માં પ્રસ્તુત કરવામાં આવશે.

કંપનીનો પુનામાં લગભગ 4.25 કરોડ રૂપિયાનો એન્જીન પ્લાન્ટ તૈયાર છે. આ ઉપરાંત કંપની ટૂ વ્હિલર વાહન માટે 200 કરોડ રૂપિયાના ખર્ચે 2 પ્લાન્ટ સ્થાપવા જઈ રહી છે.
 

Read More

ક્વોન્ટમ કમ્પ્યૂટર તૈયાર કરતાં ઓક્સફર્ડના વિજ્ઞાનીઓ

અત્યંત ઝડપી ક્વોન્ટમ કમ્પ્યૂટર તૈયાર કરતાં ઓક્સફર્ડના વિજ્ઞાનીઓ

સિલિકોનમાં ૧૦ અબજ બિટ્સ ક્વોન્ટમ એન્ટેન્ગલમેન્ટ જનરેટ કર્યા

ઓકસફર્ડ યુનિવર્સિટીના વિજ્ઞાનીઓએ અલ્ટ્રાફાસ્ટ એટલે કે અત્યંત ઝડપી ક્વોન્ટમ કમ્પ્યૂટર વિકસાવવામાં સફળતા મેળવી છે. વિજ્ઞાનીઓએ આ કમ્પ્યૂટરના સિલિકોનમાં ૧૦ અબજ બિટ્સ એન્ટેન્ગલમેન્ટ જનરેટ કર્યા છે. એન્ટેન્ગલમેન્ટ(જટિલતા કે જાળું-વેબ) એ એવું તત્વ છે, જેને કારણે ક્વોન્ટમ કમ્પ્યૂટરને પરંપરાગત કમ્પ્યૂટર ડિવાઈસથી ખૂબ જ ઝડપી બનાવે છે.

આ અંગે થયેલા સંશોધનનો અહેવાલ ‘એન્ટેન્ગલમેન્ટ ઈન એ સોલિડ સ્ટેટ સ્પીન એન્સેમ્બલ’ નામથી ‘નેચર’ જર્નલમાં પ્રસિદ્ધ થયો છે. સંશોધકોએ અત્યંત શુદ્ધ એવા સિલિકોન ક્રિસ્ટલમાં ઈલેક્ટ્રોન અને ફોસ્ફરસના અણુના ન્યૂકલીયસ વચ્ચે એન્ટેન્ગલમેન્ટ(જાળું) રચવા માટે અત્યંત ચુંબકીય ક્ષેત્ર અને નીચું તાપમાન રાખ્યું હતું.

સરળ સમજ :

ક્વોન્ટમ કમ્પ્યૂટરનું સર્જન કરવાની પ્રક્રિયાને સરળતાથી સમજવા માટે એક સિક્કાનું ઉદાહરણ લઈએ. સિક્કો ઉછાળવાથી છાપ અને કાટા(કે વાઘ અને કાટા)માંથી ગમે તે એકની ૫૦ ટકા શક્યતા રહે છે. પરંતુ બન્ને સિક્કો જમીન પર ઊભો પડે તો જ બન્નેની શક્યતા રહે છે. આવું ભાગ્યે જ બને. બસ, ક્વોન્ટમ કમ્પ્યૂટર માટે આવું જ જરૂરી છે. ઊંચા તાપમાને બન્ને ઈલેકટ્રોન સ્પિન પરસ્પર વિરુદ્ધ દિશા સાથે પરસ્પર મિક્સ થઈ જાય તેવી ૫૦ ટકા શક્યતા રહે છે. પરંતુ નીચા તાપમાને યોગ્ય સ્થિતિ ઊભી કરાય તો એક જ સમયે વિરુદ્ધ દિશા સાથે મિક્સ થવાની ઘટના શક્ય બને છે અને ત્યારે જ રચાય છે સ્પિન એન્ટેન્ગલમેન્ટ એટલે કે ચુંબકીય જાળું.

 

Read More

ફોનની બહાર ૩-ડી ઈમેજ બનશે

ફોનની બહાર ૩-ડી ઈમેજ બનશે

માત્ર પાંચ વર્ષમાં જ એવી ટેક્નોલોજી આવી જશે, જેમાં ફોન કરનારી વ્યક્તિની સાક્ષાત તસવીર મોબાઈલ ફોનની બહાર નીકળીને તમારી સાથે વાત કરશે. આઈબીએમે આગામી પાંચ વર્ષ માટે તેમના પાંચ અનુમાનોમાં આ સૌથી રસપ્રદ સંભાવના દર્શાવી છે, જે સાકાર થશે તો સમગ્ર લાઈફસ્ટાઈલ જ બદલાઈ જશે.

ત્યાં સુધીમાં કમ્પ્યૂટર, ટીવી સહિત મોબાઈલ ફોનમાં પણ થ્રી-ડી હોલોગ્રાફિક ઈમેજ ટેક્નોલોજી કામ કરતી થઈ જશે. આ તસવીરને જોવા માટે સ્પેશિયલ ચશ્માંની જરૂર પણ નહીં પડે! આઈબીએમે ‘નેકસ્ટ ફાઈવ ઈન ફાઈવ’ ભાવિ અનુમાનોમાં એમ પણ કહ્યું છે કે ૨૦૧૫ સુધીમાં સ્માર્ટ ફોન, કાર, કમ્પ્યૂટર અને સોશિયલ નેટવર્કમાં લાગુ થનારા સેન્સરની મદદથી વિજ્ઞાની સીધા જોઈ શકશે કે તમે ક્યાં છો અને શું કરી રહ્યા છો. મતલબ કે તમે ઈચ્છો તો વૈજ્ઞાનિક સંશોધન માટે પર્સનલ ડેટાનું દાન કરી શકશો.


 

Read More

કમ્પ્યુટર હવે માત્ર 5 હજાર રૂપિયામાં

કમ્પ્યુટર હવે માત્ર 5 હજાર રૂપિયામાં

કમ્પ્યુટર સસ્તા થઈ રહ્યાં છે, પરંતુ એટલા પણ નહીં કે દરેક જણ તેને ખરીદી શકે.પરંતુ હવે તે સંભવ થવા જઈ રહ્યું છે કે દરેક જણ કમ્પ્યુટર ખરીદી શકે. હૈદરાબાદની એક કંપનીએ આ કાર્ય કરી બતાવ્યુ છે. જયપુરમાં આ દિવસોએ કૉમનવેલ્થ દેશોના નિષ્ણાતો આઈટી ક્રાંતિને ઘરે ઘરે પહોંચાડવાની યોજના ઉપર ચર્ચા કરી રહ્યાં છે.

હોટલ રામબાગના કન્વેન્શન સેન્ટરમાં ત્રીદિવસીય કૉમનવેલ્થ એન્ડ ઇન્ફૉર્મેશન ટેક્નોલૉજી મીટમાં એક એવુ કમ્પ્યુટર પ્રસ્તુત કરવામાં આવી રહ્યું છે જે માત્ર 5000 રૂપિયાનું છે, અને તેમાં ગ્રીન ટેક્નોલૉજીનો ઉપયોગ કરવામાં આવ્યો છે.

એટલે આ કમ્પ્યુટરથી માનો કે પર્યાવરણને કોઈ નુકસાન નથી. હૈદરાબાદની કંપની 'એલોકા ટેક્નોસૉલ્યૂશન્સ પ્રાઇવેટ લિમિટેડ' આ સસ્તુ કમ્પ્યુટર પ્રસ્તુત કર્યું છે. તેની ખાસિયત એ છે કે જો વિજળી ન હોય તો આ સૌર ઉર્જાથી પણ ચાલી શકે છે.

તેનું વજન પણ ખાસ્સુ ઓછુ છે, જે માત્ર 100 ગ્રામ છે, અને તેમાં એક જીબીની જગ્યા આપવામાં આવી છે. તેમાં યૂટ્યૂબ, ફેસબુક, ગૂગલ ડૉક્સ અને ઑડિયો વીડિઓ પ્લેયર તમામ ફિચર્સ આપવામાં આવ્યા છે.

તેમાં કોઈ પણ પ્રકારના એલસીડી મૉનિટર સાથે પણ જોડી શકાય છે, અને આ કમ્પ્યૂટરને નાના ડબ્બામાં પણ સમાવી શકાય છે. તેને મોબાઇલ ફોન સાથે પણ જોડીને ઇન્ટરનેટની સુવિધાનો પણ લાભ લઈ શકો છો. આ ગામડાઓ અને નાના શહેરો માટે ખાસ્સુ ફાયદાકારક છે, અને તેના મેન્ટેનન્સ જેવી કોઈ સમસ્યા પણ નથી.
 

Read More

બ્લેકબેરી બેલેન્સ, એક હેન્ડસેટમાં બે ફોન

બ્લેકબેરી બેલેન્સ, એક હેન્ડસેટમાં બે ફોન

કેનેડાની કંપની રિસર્ચ ઇન મોશન (રિમ) બજારમાં પોતાની જગ્યા બનાવી રાખવા માટે જબરદસ્ત પ્રયત્નો કરી રહી છે અને તે જ ક્રમમાં એક પછી એક રજૂઆતો કરતી આવી રહી છે. તેના સૌથી મોટા બજાર અમેરિકામાં તેને આઇફોન જબરદસ્ત ટક્કર આપી રહ્યું છે.

રિમ હવે એક એવું મોબાઇલ ફોન સોફટવેર રજૂ કરવા જઇ રહી છે, તેનાથી બ્લેકબેરીનો ફોન ટુ ઇન વન થઇ જશે. તેનો ઉપયોગ કરવાથી બંને પક્ષ એટલે કે કોર્પોરેટ અને પર્સનલ અલગ-અલગ થઇ જશે. આ બંનેનો ઉપયોગ અલગ-અલગ હોય છે. આથી કંપનીએ એક નવું સોફટવેર નીકાળ્યું છે જેને બેલ્કબેરી બેલેન્સ કહેવામાં આવી રહ્યું છે. તેના અંતર્ગત કંપનીઓ કર્મચારીના ડેટા તો નીકાળી શકશે પરંતુ તેમની વ્યક્તિગત માહિતી કે આંકડા નહીં. હજુ કોર્પોરેટના આઇટી ડિપાર્ટમેન્ટ બ્લેકબેરીના એન્ટરપ્રાઇઝ સર્વરથી બિઝનેસ સંબંધિત ડેટાનું નિયંત્રણ રહે છે પરંતુ આ સોફટવેર આવી ગયા બાદ તેના પર તો નિયંત્રણ રાખી શકશે પણ વ્યક્તિગત મેસેજો અને સોશયલ નેટવર્કિંગ તથા ફોટો પર નહિં.

ટોરંટોમાં કંપનીના સીનિયર વાઇસ પ્રેસિડન્ટ જેફ મેક્ડૉવલે કહ્યું કે અમે એક એવું સોફટવેર તૈયાર કરવા માંગીએ છીએ જેનાથી કંપનીઓ બ્લેકબેરી ફોનમાંથી પોતાનો ડેટા તો લઇ લે પરંતુ યુઝરના વ્યક્તિગત ડેટા પર તેની કોઇ પકડ ન રહે. તેઓ મજાથી ફેસબુકનો ઉપયોગ કરી શકે અને ઇન્ટરનેટમાં પણ જઇ શકે.

બ્લેકબેરી બેલેન્સનું પ્રયોગાત્મક પરિક્ષણ શરૂ થઇ ગયું છે અને તે સફળ રહ્યું છે. હવે તેને અમેરિકામાં બે મહિનામાં ઉતારી દેવામાં આવશે. બ્લેકબેરી પહેલાં તેને પોતાના ટેબલેટમાં લાવશે.
 

Read More

એક બેચારા, મેઇલ્સ કે બોજ કા મારા

એક બેચારા, મેઇલ્સ કે બોજ કા મારા

ટેક્નોલોજી ખરેખર તો આપણા જીવનને વધુ સરળ અને સહજ બનાવવા માટે હોવી જોઈએ, પણ થાય છે તેનાથી ઊંધું. ટેક્નોલોજીનો ઓવરયૂઝ અને પરિણામે થતો ઓવરડોઝ જાળ એટલે કે નેટને જંજાળ બનાવી દે છે.જેમ રવિવારની સવારે અખબાર સાથે ઘરમાં ફરફરિયાંનો ઢગલો થઈ પડે છે એમ ઇમેઇલના ઇનબોક્સમાં પણ રોજેરોજ જાતભાતના ઇમેઇલ્સનો ખડકલો થતો રહે છે.

એમાંથી આપણા કામના ઇમેઇલ્સ ગણતરીના જ હોય, બાકીના, કાં તો નજર નાખીને ડિલીટ કરવાના હોય અથવા એટલીય તસ્દી લીધા વિના ટ્રેશમાં નાખવા જેવા હોય. હવે મોટા ભાગે આપણી ઇમેઇલ સર્વિસ, પછી તે જીમેઇલ હોય, યાહૂ-હોટમેઇલ હોય કે બીજી કોઈ, સ્પામ ફિલ્ટરની તો ઠીકઠીક સારી સગવડ આપતી હોય છે, પણ હવેના ઇમેઇલ સ્પેમર્સ (એટલે કે સાદા શબ્દોમાં ઇલેકટ્રોનિક ફરફરિયાં મોકલનારા) એટલા સ્માર્ટ થઈ ગયા છે કે તે ઇમેઇલ સર્વિસના ફિલ્ટરમાંથી છટકીને આપણા ઇનબોક્સમાં ઘૂસી જાય છે.

વાત માત્ર સ્પામની નથી. બેંક, મ્યુચ્યુઅલ ફંડ કે કોઈ મોલમાંથી આપણે મરજીથી લીધેલું કે પરાણે વળગેલું કાર્ડ વગેરે વગેરેમાં આપણે જાણે-અજાણે ઇમેઇલ એડ્રેસ આપી દઈએ એટલે એ બધામાંથી ઇમેલ્સનો જોઈતો-વણજોઇતો પ્રવાહ શરૂ થઈ જાય એ અલગ. તકલીફ એ જ હોય કે મ્યુચ્યુઅલ ફંડમાંથી આપણા એકાઉન્ટને લગતી માહિતીના મેઇલ્સ પણ આવે અને ફંડની જાહેરાતના મેઇલ્સ પણ આવે.

મેઇલ્સના આ ગંજાવર ખડકલાને ઓર્ગેનાઇઝ કરવો કેવી રીતે? પહેલો ઉપાય છે ફિલ્ટર સેટ કરવાનો. લગભગ બધી ઇમેઇલ સર્વિસમાં ફિલ્ટરની સગવડ હોય છે. જેમાં તમે ચોક્કસ એડ્રેસ પરથી આવતા મેઇલ્સને ચોક્કસ ફોલ્ડરમાં મોકલવાની તજવીજ કરી શકો છો. જીમેઇલ સિવાયની બધી સર્વિસમાં મોટા ભાગે ફિકસ્ડ ફોલ્ડરની વ્યવસ્થા હોય છે, જેમાં એક મેઇલને તમે ફક્ત એક જ ફોલ્ડરમાં નાખી શકો.

એટલે, તમે તમારા મોબાઇલનાં બિલ ઓનલાઇન મેળવતા હો તો એ મેઇલને તમે બિલના ફોલ્ડરમાં મોકલી શકો, પણ ટુ-ડુનું એક ફોલ્ડર પણ બનાવ્યું હોય, જેમાં તમે જે ઇમેઇલ પર એકશન લેવાનાં હોય તેવા મેઇલ્સ મોકલતા હો, તો સાદી રીતે જોઈએ તો મોબાઇલના બિલને બિલનું ફોલ્ડર અને ટુ-ડુનું ફોલ્ડર બંને લાગુ પડે બેમાંથી તમે કયા ફોલ્ડરમાં તેને મોકલો? વાત ગૂંચવાડાભરી લાગે છે? કદાચ એટલે જ જીમેઇલમાં ફોલ્ડરને બદલે લેબલ્સ છે. એક મેઇલને તમે બે-ત્રણ કે જેટલાં ચાહો તેટલાં લેબલ લગાવી શકો. પછી જે રીતે તમે મેઇલ સોર્ટ કરવા માગતા હો એ રીતે કરી શકો. પછી ફિલ્ટર સેટ કરવાનું કામ થોડું સહેલું બની જાય.

જો કે આ બધામાં અંતે વાત એ આવે છે કે આપણે કાળજીપૂર્વક, આગોતરું આયોજન કરીને ફિલ્ટર સેટ કરવાં પડે. હવે કામનાં ને નકામાં ફરફરિયાં તો કોઈ આયોજનને અનુસરતાં નથી. તો શું કરવું?એ માટે એક સહેલો ઉપાય છે અધરઇનબોક્સ (www.otherinbox.com) નામની એક મફત સર્વિસને શરણે જવાનો. આ સર્વિસ અત્યારે જીમેઇલ અને યાહૂ મેઇલ માટે અમલમાં છે.

સાઇટ પર જાઓ, તેની પ્રાઇવસી પોલિસી જોઇ સમજી, તમને ભરોસો પડે તો તમારા એકાઉન્ટની વિગતો આપશો તો આ સર્વિસ તેના કામે લાગી જશે અને તેના સ્માર્ટ લોજિકથી, તમારા કામના અને ન કામના મેઇલ્સને અલગ તારવી આપશે. બલ્ક ઇમેઇલર્સને તેમના ઇમેઇલ આઇડી પરથી ઓળખીને આ સર્વિસ તેમને બેન્કિંગ, શોપિંગ વગેરે વગેરે અલગ અલગ કેટેગરીમાં વહેંચી નાખે છે. તેમ, તમે ઇચ્છો તો રોજેરોજ તમારા એકાઉન્ટની એક સમરી પણ તમને મોકલી આપે છે.

શરૂઆતમાં આ બધું કામ ઇમેઇલ ડાઇરેકટ ડિલીટ કરી નાખવા કરતાં થોડું વધુ જંજાળભયુઁ લાગશે, પણ આદત કેળવાશે અને આ સર્વિસને તમારી પર આવતા મેઇલ્સની પેટનe સમજાતી જશે તેમ તેમ તમારું મેઇલબોક્સ કલટરફ્રી બનતું જશે.

અલબત્ત, સૌથી પહેલાં લખ્યું તેમ આ ટેક્નોલોજી પણ આપણું કામ સહેલું બનાવવા માટે છે. તમારા પર વધુ પડતા મેઇલ્સ આવતા હોય તો જ આમાં ઝંપલાવજો, બાકી ‘ભલું થયું ભાંગી જંજાળ, સુખે ડિલીટ કરીશું ઇમેઇલ્સ’ એમ ગણગણતાં જુની ઢબથી કામકાજ ચાલુ રાખજો. 

Read More

આ છે વિશ્વની સૌથી વધુ એવરેજ આપતી કાર

આ છે વિશ્વની સૌથી વધુ એવરેજ આપતી કાર

જી હાં, હવે પ્રસ્તુત થઈ ગઈ છે તે કાર, જે દુનિયામાં સૌથી વધારે એવરેજ આપે છે. આ કારનું નિર્માતા છે જર્મન કંપની વોક્સવેગન, અને આ કારને કતારમાં પ્રદર્શિત કરી છે.

લંડનના એક સમાચારપત્ર ડેઈલી મેલ પ્રમાણે આ કાર એક ગેલન એટલે કે 3.78 લીટર ડીઝલમાં 504 કિલોમીટર ચાલે છે. આ કારને કોડનેમ આપવામાં આવ્યુ છે 'એક્સએલ 1 સુપર એફિશિયન્ટ વ્હીકલ'.

ગજબની એવરેજ આપનારી આ કાર દરેક માઇલ ઉપર માત્ર 38 ગ્રામ કાર્બન ડાઈઑક્સાઇડ છોડે છે, જે સૌથી ઓછું છે. એટલે કે પર્યાવરણની દ્રષ્ટીએ આ ઉત્તમ ફ્યૂઅલ કાર છે.

આ કારમાં બે લોકોને બેસવાની જગ્યા આપવામાં આવી છે, અને તેની ક્ષમતામાં 800 સીસીનું ટીડીઆઈ ટૂ-સિલિન્ડર એન્જીન આપવામાં આવ્યુ છે.

આ એન્જીન ઇલેક્ટ્રિક મોટર છે અને તેનું વજન છે, 795 કિલોગ્રામ, તેમજ આ કાર લગભગ 11.9 સેકન્ડમાં 0 થી 60 કિલોમીટરની ઝડપ પકડી લે છે.

તેની વધુમાં વધુ ઝડપ 99 કિલોમીટર પ્રતિ કલાક છે. આ એક મજબૂત કાર છે, અને તેની બૉડી કાર્બન ફાઇબર ઉપર બનેલી છે. તેની લંબાઈ પોલો જેટલી જ છે.

વોક્સવેગનના ચેરમેન ડૉ. માર્ટિન વિન્ટરહોર્ને જણાવ્યુ હતુ કે આ કાર આવતા વર્ષે બ્રિટન અને જર્મનીમાં વેચાણાર્થે મુકી દીધી દેવાઈ છે. તેની કિંમતનો તેઓએ ખુલાસો નથી કર્યો, પરંતુ એટલુ ચોક્કસ કહેવામાં આવે છે કે આ ખાસ્સી પરવડતી કાર છે.

 

Read More

આ તો કાર છે કે એરોપ્લેન છે?

આ તો કાર છે કે એરોપ્લેન છે?

તમે સ્પોર્ટ્સ કાર વિશે તો સાંભળ્યુ હશે, સુપર કાર વિશે પણ સાંભળ્યુ હશે, પરંતુ હાઇપર કાર વિશે કદાચ પહેલી વાર સાંભળી રહ્યાં હશો.

આ પ્રકારની કારોની ઝડપ વિમાનોની ઝડપની બરોબરી કરવા બરાબર હોય છે. આ કાર જ્યારે દોડાવામાં આવે ત્યારે તમે વિમાની ઝડપનો અનુભવ કરી શકો છો.

ક્યારેક જો તમને આ કાર તેની ઉચ્ચતમ ઝડપમાં જોવા મળી પણ જાય, તો પણ તેની તોફાની ગતીથી તમે કારને સ્પષ્ટ રીતે જોઈ પણ નહીં શકો.

કાર બનાવનારી ઇટાલીયન કંપની 'પગાની મોટર્સ'એ થોડા વર્ષ પહેલા જ આવી એક હાઈપર કાર લૉન્ચ કરી હતી, જેને નામ આપવામાં આવ્યુ હતુ 'ઝોન્ડા'.

પરંતુ આ વખતે કંપનીએ તેના કરતા પણ વધારે એડવાન્સ કાર તૈયાર કરી છે. અને આ કારનું નામ આપવામાં આવ્યુ છે 'હુઆયરા'. પ્રાપ્ત સમાચારનુસાર આ કારની કિંમત છે 1.5 મિલિયન ડૉલર એટલે કે 7 કરોડ રૂપિયા આસપાસ.

જાણવા મળ્યુ છે કે કંપનીએ 7 વર્ષોના સંશોધન પછી આ કારને તૈયાર કરી છે. કંપની પ્રમાણે આ કારના બે વર્ઝન મૉડલ બજારમાં ઉતારવામાં આવશે.

તેમાનું પહેલી કાર 91.8 કિલોગ્રામ વજન વાળા એન્જીન સાથે 700 બીએચપીની ક્ષમતા ધરાવે છે, જ્યારે બીજી 112 કિલોગ્રામ વજન ધરાવતા એન્જીન સાથે 730 બીએચપીની ક્ષમતા આપશે.

પોતાની પૂરી ઝડપમાં આ કાર 230 માઇલ પ્રતિ કલાકની ઝડપે દોડશે, ત્યાંજ 62 માઇલ પ્રતિ કલાકનીની ઝડપ મેળવવા માત્ર 3.3 સેકેન્ડનો સમય લેશે.

કંપનીએ જણાવ્યુ હતુ કે દમદાર એન્જીન સાથે આ કારમાં સેટેલાઇટ નેવિગેશન સિસ્ટમ, બ્લુટૂથ કનેક્ટિવિટિ, વધારે કેબીન સ્પેશ, અને અન્ય લક્ઝૂરિઅસ ફિચર્સ પણ આ કારમાં પૂરા પાડવામાં આવ્યા છે

 

Read More

હવે ક્રેડિડ કાર્ડ નહીં મોબાઈલ ફોન થશે સ્વાઈપ

હવે ક્રેડિડ કાર્ડ નહીં મોબાઈલ ફોન થશે સ્વાઈપ

તમારો મોબાઇલ ફોન તમાર માટે કંઇપણ કરી શકે છે તમે તેનો મ્યુઝિક સાંભળવાથી લઇને પિક્ચર મોકલવા સુધી કંઇ પણ કરી શકો છો. પરંતુ હવે મોબાઇલ ફોન એક કરિશ્મા કરવા જઇ રહ્યો છે. હવે તમે તમારા આઇફોનમાંથી ખરીદી પણ કરી શકશો.

વાર્કલેકાર્ડ અને ઇંગ્લેન્ડનું સૌથી મોટું મોબાઇલ નેટવર્ક એવરીથિંગ, એવરીવ્હેયરે આવી સિસ્ટમ લાવવા માટે હાથ મિલાવ્યા છે.

એવરીથિંગ એવરીવ્હેયરના ચીફ ડેવલપમેન્ટ ઓફિસર જેરી મેક્વેડે કહ્યું કે હવે એક ક્રાંતિ થવા જઇ રહી છે. અમે કંઇક એવું બનાવા જઇ રહ્યા છે જેના અંગે ઘણા સમયથી વાતચીત ચાલી રહી છે.

હવે તમે તમારા મોબાઇલમાંથી સેન્ડવીચ ખરીદી શકો છો. પિક્ચરની ટિકિટ વગેરે લઇ શકો છો. આ વ્યવસ્થા માટે મોબાઇલ ફોનમાં એન્ટિના અને એક નાની ચિપ લગાવાશે જે મોબાઇલ ગ્રાહકના બેન્ક ખાતા સાથે જોડાયેલ હશે. આ એન્ટીના જ સિગ્નલ મોકલશે ત્યારબાદ લેણદેણ થઇ શકશે.
 

Read More

સોફ્ટવેર બતાડશે સૂર્યના ફોટોગ્રાફ્સ

સોફ્ટવેર બતાડશે સૂર્યના ફોટોગ્રાફ્સ

યુરોપીય અંતરિક્ષ એજન્સી (ઈએસઆઈ)એ એક સોફ્ટવેર વિકસાવ્યુ છે. જેની મદદથી તમે સોહો અંતરિક્ષ યાન દ્વારા લેવાયેલી સૂર્યના બધા ફોટોગ્રાફ્સનુ ઓનલાઈન અભ્યાસ કરી શકો છો.

સોહો દ્વારા લેવાયેલા 10 લાખથી પણ વધુ ફોટોગ્રાફ્સ ઉપલબ્ધ કરવામાં આવી ચૂકી છે. આ સિવાય તેના નવા ફોટોગ્રાફ્સ રોજેરોજ ઉમેરવામાં આવે છે.

આ સોફ્ટવેરનુ નામ છે 'જેહેલિઓવ્યૂઅર'. આના દ્વારા તમે છેલ્લા 15 વર્ષમાં ખેંચવામાં આવેલા સૂર્યના ફોટોગ્રાફ્સ જોઈ શકો છો. 'જેહેલિઓવ્યૂઅર'ને www.jhelioviewer.org પરથી ડાઉનલો
 

Read More

ડ્રાઇવરે ફુલ પીધેલો હશે તો કાર સ્ટાર્ટ જ નહિ થાય

ડ્રાઇવરે ફુલ પીધેલો હશે તો કાર સ્ટાર્ટ જ નહિ થાય

ડ્રાઇવર આલ્કોહોલ ડિટેકશન સિસ્ટમ્સ ફોર સેફ્ટી નામની આ નવી ટેક્નોલોજી શોધાઇ હોવાનો દાવો

ભાવિ ટેક્નોલોજી પીધેલા ડ્રાઇવરો પર રોક લગાવશે અને અનેકનાં જીવ બચાવશે. કેમ કે, મેસેશ્યૂટ્સમાં સંશોધનકર્તાઓએ એક એવી સિસ્ટમ વિકસાવી છે જે અનુસાર ડ્રાઇવરોનાં લોહીમાં આલ્કોહોલનું પ્રમાણ કાયદેસરની મર્યાદા કરતાં વધુ હશે તો કાર ચાલુ જ નહિ થાય.

‘ડ્રાઇવર આલ્કોહોલ ડિટેકશન સિસ્ટમ્સ ફોર સેફ્ટી’ તરીકે ઓળખાતી આ નવી ટેક્નોલોજીમાં સેન્સર્સનો ઉપયોગ કરાશે. જે બે સંભવિત માર્ગે ડ્રાઇવરોના લોહીમાં આલ્કોહોલના પ્રમાણને માપી શકશે. ડ્રાઇવરના શ્વાસની પ્રક્રિયાને તપાસીને અથવા ચામડી દ્વારા એમ બે પ્રકારે આલ્કોહોલના પ્રમાણને માપી શકાશે. આ અત્યાઘુનિક ‘ટચ-બેઝ્ડ’ સેન્સર્સને સ્ટેરિંગ વ્હિલ્સ અથવા દરવાજાના તાળા જેવા સ્થળોએ મૂકવામાં આવશે.

આ પદ્ધતિ અનુસાર ડ્રાઇવરોના લોહીમાં આલ્કોહોલનું પ્રમાણ મર્યાદા કરતાં વધુ હોવાનું આ સિસ્ટમ શોધી કાઢશે તો વાહન સ્ટાર્ટ થશે નહીં. ન્યૂ મેક્સિકો અને સ્વિડનની કંપનીઓ સાથે મળીને રિસર્ચ એન્ડ ડેવલપમેન્ટ ફેસિલિટી કવીન્ટિક્યૂ નોર્થ અમેરિકા ઇન્ડસ્ટ્રીઝે તૈયાર કરેલી આ ટેક્નોલોજી કાર ઉત્પાદકો માટે વૈકલ્પિક રહેશે. સંશોધનકર્તાઓનો દાવો છે કે તેમની આ પદ્ધતિ માત્ર એક સેકન્ડમાં જ ડ્રાઇવરોમાં આલ્કોહોલનું પ્રમાણ કેટલું છે તેનું મૂલ્યાંકન કરશે.
 

Read More

જોવા જેવો છે એમ્બેસેડરનો આ નવો અવતાર

જોવા જેવો છે એમ્બેસેડરનો આ નવો અવતાર

સરકારી અધિકારીઓની શાન ગણાતી ભારતની કાર એમ્બેસેડર હવે એક નવા અવતારમાં જોવા મળવાની છે. તેની નિર્માતા કંપની હિન્દૂસ્તાન મોટર્સ હવે તેનું નાનુ વર્ઝન લૉન્ચ કરવાની તૈયારીમાં છે.

કલકતાથી પ્રાપ્ત સમાચારો પ્રમાણે ચંદ્રકાંત બિરલાની કંપની હિન્દુસ્તાન મોટર્સે નાની કારનો પ્રોટોટાઇપ (ડેમો) તૈયાર કરી લીધુ છે, અને તેને ટૂંક સમયમાં ડીલરો સમક્ષ પ્રસ્તુત કરવામાં આવશે. તેમની સહમતિ અને સલાહ-સુચનોના આધારે આ કારને બજારમાં ઉતારવામાં આવશે.

હિન્દુસ્તાન મોટર્સના એક સુત્રએ જણાવ્યુ હતુ કે કંપની આ કારની તૈયારીમાં લાગી ગઈ છે, અને તે એમ્બેસેડરના પ્લેટફોર્મ ઉપર જ આ કારનું નિર્માણ કરશે. આ કાર હેચબેક અને સેડાન બન્ને વર્ઝનમાં પ્રસ્તુત કરાશે અને જુલાઈ મહીનામાં આ કારને બજારમાં ઉતારી દેવાશે
 

Read More

વિજ્ઞાનીઓએ પ્રયોગશાળામાં માનવ રક્તવાહિનીઓ ઉગાડી

વિજ્ઞાનીઓએ પ્રયોગશાળામાં માનવ રક્તવાહિનીઓ ઉગાડી 

વિજ્ઞાનીઓએ પ્રયોગશાળામાં નવી માનવ નસો ઉગાડવાની રીત રજુ કરી હોવાથી બજારમાં રક્તવાહિની મળતી થાય તો નવાઈ નથી.

આ સફળતા પાછળના સંશોધકોનું કહેવું છે કે પ્રયોગશાળામાં બનાવાયેલી રક્તવાહિનીઓનો એક વર્ષ સુધી સંગ્રહ કરી શકાશે અને તેને કોઈ પણ દર્દીમાં સુરક્ષિતપણે ટ્રાન્સપ્લાન્ટ કરી શકાશે. આ રક્તવાહિનીઓ éદયની સર્જરીમાં ક્રાંતિ લાવી શકે છે.

તેઓએ એવો દાવો પણ કર્યો હતો કે રક્તવાહિનીઓ ટૂંક સમયમાં કૃત્રિમ આવૃત્તિનું સ્થાન લઈ શકે છે. કૃત્રિમ રક્તવાહિની આસાનીથી જામી જાય છે અને દર વર્ષે હજારો હાર્ટ બાયપાસ સહિતના સંખ્યાબંધ ઓપરેશન્સમાં તેનાથી ઈન્ફેકશન થઈ શકે છે.

વિજ્ઞાનીઓએ દર્દીના પોતાના કોષોમાંથી રક્તવાહિની બનાવવાની પદ્ધતિ વિકસાવી છે, પરંતુ આ પ્રક્રિયામાં નવ મહિના લાગે છે અને દર્દીઓ સામાન્ય રીતે સર્જરી માટે આટલો લાંબો સમય રાહ જોઈ શકે નહીં. અમેરિકામાંની ઈસ્ટ કેરોલિના યુનિવર્સિટીની ટીમે વિકસાવેલી નવી ટેકનિકમાં માનવ પેશીના દાતા કોષોનો ઉપયોગ કરીને એડવાન્સમાં નસો બનાવવામાં આવે છે. આ નસનું વાંદરાઓ પર સફળ પરીક્ષણ કરાયું છે.
 

Read More

શું આ છે વિશ્વનુ સૌથી પહેલુ હેક ફ્રી સોફ્ટવેર?

શું આ છે વિશ્વનુ સૌથી પહેલુ હેક ફ્રી સોફ્ટવેર?

વૈજ્ઞાનિકોએ વિશ્વનુ પહેલુ 'હેક ફ્રી' સોફ્ટવેર વિકસાવ્યુ હોવાનો દાવો કર્યો છે. ઓસ્ટ્રેલિયન કંપની ઓપન કર્નેલ લેબ્સ દ્વારા વિકસિત આ સોફ્ટવેરનુ નામ 'એસઈએલ4' માઈક્રોકર્નેલ છે.

આ એક નાનકડી ઓપરેટિંગ સિસ્ટમ છે જે કમ્પ્યૂટર હાર્ડવેર સુધીની પહોંચને નિયત્રિંત કરી શકે છે. આ સોફ્ટવેર એવી રીતે ડિઝાઈન કરવામાં આવ્યુ છે જેથી તે વિશ્વાસનીય અને અવિશ્વાસનીય સોફ્ટવેર વચ્ચેનો તફાવત ઓળખી શકે.

Read More

આવી ગયું છે ટચ ઓપરેટેડ માઉસ

આવી ગયું છે ટચ ઓપરેટેડ માઉસ

શું તમે વર્ષો જૂના માઉસ પર ક્લિક અને સ્ક્રોલ કરીને કંટાળી ગયા છો? જો હા તો તમારા માટે આવી ગયુ છે આ નવુ માઉસ જે તમારી પરેશાનીને દૂર કરી દેશે. આઈટી કંપની જેક્રોબિક્સે ભારતમાં પહેલી પર ટચ પેનલ વાળુ માઉસ રજૂ કર્યુ છે. આ માઉસમાં ન તો ક્લિક બટન હોય છે અને ન તો સ્ક્રોલ વ્હિલ.

યુઝર આ માઉસની સપાટી પર પોતાની આંગળીઓ ફેરવીને તેને ચલાવી શકો છો. આ માઉસને કોલકત્તામાં ચાલી રહેલા ચાર દિવસીય 'કંપાસ આઈટી 2011 એક્સપો'માં લોન્ચ કરવામાં આવ્યો છે. જેક્રોબિક્સના નિર્દેશક રાજેશ દોશીએ જણાવ્યુ કે દેશભરમાં તેમની કંપનીના 100 આઉટલેટ છે જ્યાંથી તમે આ માઉસ ખરીદી શકો છો.
 

Read More

ચીનથી દોડતી આવશે ફાસ્ટર ટ્રેન

ચીનથી દોડતી આવશે ફાસ્ટર ટ્રેન

ચીનના એન્જીનિયરોનું કહેવુ છે કે તેઓ એક એવી ટ્રેનનુ નિર્માણ કરવા જઈ રહ્યાં છે જે પ્લેન કરતા પણ વધારે ઝડપે દોડશે. ચીનના દક્ષિણ પૂર્વમાં સ્થિત જિયાતોંગ યૂનિવર્સિટીના એક લેબોરેટરીમાં આ ટ્રેનને આકાર અપાઈ રહ્યોં છે.

ત્યાંના વૈજ્ઞાનિકોનું કહેવુ છે કે વેક્યુમ સસ્પેન્શન ટ્રેન મૉડલ 600થી 1200 કિલોમિટર પ્રતિ કલાકની ઝડપે દોડશે. ભારતમાં સ્થાનિક ઉડ્યનો ભરનારા વિમાનોની ઝડપ પણ 600થી 800 કિલોમિટર પ્રતિ કલાક હોય છે.

આ નવી ટેક્નૉલોજી ઉપર ઝડપથી કાર્ય થઈ રહ્યું છે, અને આશા વ્યક્ત કરવામાં આવી રહીં છે કે આવતા દસ વર્ષોમાં આ ટ્રેન ઉતારી દેવાશે.

ચીન આ ટ્રેન પાછળ મોટા પ્રમાણમાં ખર્ચ કરી રહ્યું છે. આ પ્રકારની ટ્રેનોની ખાસીયત એ હોય છે કે તેમાં ઓછુ ઈંધણ વપરાશે અને તેનાથી પર્યાવરણને પણ નુકસાન થતુ બચશે.

આ પ્રકારની ઝડપી ટ્રેનો ઉપર અમેરિકા અને સ્વિટ્ઝરલેન્ડમાં પણ કામ ચાલી રહ્યું છે. ત્યાં પણ આ ટેક્નોલોજીને જ આધાર બનાવામાં આવી રહ્યો છે.

 

Read More

એક એપ્લિકેશન આપને સુમો બનાવી દેશ

એક એપ્લિકેશન આપને સુમો બનાવી દેશ
શું તમે ક્યારેય વિચાર્યું છે કે તમે સુમો પહેલવાન હોત તો? હવે એક આઈફોન એપ્લિકેશનની મદદથી સુમોના રૂપમાં તમે કેવા દેખાવ છો. એ પણ વજન વધાર્યા વગર જ જોવા મળશે. ટોકયો સ્થિત મોશનપોટ્રેટ ઈન્ક નામની કંપનીએ આ એપ્લિકેશન તૈયાર કરી છે. તેને ‘સુમોબૂથ’ નામ આપવામાં આવ્યું છે. તેનો ઉપયોગ કરવા માટે આપને સ્માર્ટફોનમાં પોતાની તસવીર લઈને અપલોડ કરવાની રહેશે.

ત્યારબાદ આ એપ્લિકેશન તસવીરને પ્રોસેસ કરી ચહેરાને સુમો પહેલવાન જેવો બનાવી દેશે. ઉપરાંત તે પહેલવાન જેવા વાળ પણ બનાવી દેશે. જો આપ ઈચ્છો તો પોતાનો અવાજ પણ રેકોર્ડ કરીને અપલોડ કરી શકો છો. આ એપ્લિકેશન તમારા અવાજને પણ સુમો પહેલવાન જેવો અવાજ બનાવી દેશે.
 

Read More

હવે લેસર પદ્ધતિથી શાર્ક અને વ્હેલની લંબાઈ જાણી શકાશ

હવે લેસર પદ્ધતિથી શાર્ક અને વ્હેલની લંબાઈ જાણી શકાશ
હવે વ્હેલ અને શાર્ક જેવી માછલીઓની લંબાઈનું સાચું અનુમાન લગાવી શકાશે. એટલે કે અત્યાર સુધી વ્હેલ અથવા શાર્કને આપણે જેટલી લાંબી માનતાં હતાં તેનાથી વાસ્તવમાં ઘણી મોટી હોય છે. યુનિવર્સિટી ઓફ ક્વિન્સલેન્ડના વિજ્ઞાનીઓએ આ માછલીઓની લંબાઈ માપવા માટે નવી લેસર પદ્ધતિ વિકસાવી છે. વિજ્ઞાનીઓએ જણાવ્યા અનુસાર લેસર કેમેરાથી આ માછલીઓની લંબાઈ માપવામાં આવે તો સામાન્ય રીત કરતાં ૫૦ સેમી સુધીનો ફરક પડે છે.

અત્યાર સુધી શાર્ક અથવા વ્હેલની લંબાઈ ફોટોમેટ્રિક પદ્ધતિથી માપવામાં આવતી હતી. તેમાં લંબાઈની ગણતરીનો અંદાજ ફોટોગ્રાફ્સ અથવા સામાન્ય રીતે જોઈને લગાવાતો હતો. પીએચડી વિદ્યાર્થી ક્રિસ્ટોફર રોહનરે જણાવ્યા અનુસાર શાર્ક અથવા વ્હેલ તરતી હોય તેવા સમયે પણ તેના આકારની માપણી થઈ શકશે. મતલબ કે આપણને અત્યાર સુધી સૌથી મોટી માછલીની લંબાઈ જે લાગતી હતી તેના કરતાં ઘણી વધારે હોઈ શકે છે.
 

Read More

ઈ-૩ પોડ બનશે ભવિષ્યની કાર

ઈ-૩ પોડ બનશે ભવિષ્યની કાર

આને જોઈને તમે શું કહેશો? કાર કે સાઇકલ? વાસ્તવમાં હાઈકીની ઈ-૩ પોડ આ બંને વસ્તુનું મળતું સ્વરૂપ છે. તાજેતરમાં જ આ વાહને લંડનની રોયલ કોલેજ ઓફ આર્ટ્સમાં થ્રી વ્હીલર સેગમેન્ટમાં શ્રેષ્ઠ ડિઝાઇનનો એવોર્ડ મેળવ્યો હતો.

આ કારની ડિઝાઇન માસ્ટર ઓફ આર્ટ્સના એક વિદ્યાર્થીએ તૈયાર કરી છે. હાઈકીએ હજુ તેની બજાર કિંમત નિધૉરિત કરી નથી. હજુ કેટલાંક પરીક્ષણો બાદ તેને બજારમાં ઉતારવામાં આવશે.
 

Read More

લકઝરી અને સ્ટાઈલનો સંગમ એટલે ઔડી

લકઝરી અને સ્ટાઈલનો સંગમ એટલે ઔડી

 
દેશમાં સસ્તી કારોની જેટલી માંગ છે એટલી જ મોંઘી અને લકઝરી કારની પણ વધી રહી છે. ભારતીમાં જે રીતે લોકોની આવકમાં વધારો થઈ રહ્યો છે, તેટલી ઝડપથી ખર્ચ કરવાની ક્ષમતામાં પણ વધારો થઈ રહ્યો છે. આ જોઈને જ દુનિયાની અનેક દિગ્ગજ કાર નિર્માતા કંપનીઓ ભારતમાં પોતાની કારના મોડેલ રજુ કરવા માટે આતુર છે.
ભારતમાં લકઝરી કારની વધતી જતી માગને જોઈને જર્મનીની કાર નિર્માતા કંપની ઔડી એક પછી એક કાર બજારમાં રજૂ કરવાની છે. ઔડી-8 વી10 અને ઔડી એ-8એલ ઉતાર્યા બાદ હવે કંપની ટુંક સમયમાં જ બીજા બે નવા મોડેલ લોન્ચ કરવાની છે.

કંપની મે-જૂનમાં એ-7 લોન્ચ કરી શકે છે અને આવતા વર્ષે માર્ચ પહેલાં તે એ-6 લોન્ચ કરવાની તૈયારી કરી રહી છે. થોડા દિવસો અગાઉ લોન્ચ કરાયેલી ઔડી એ-૮એલ કંપનીની સૌથી મોંઘી કારોમાંની એક છે. તેની કિંમતની વાત કરીએ તો તેની એક્સ શોરૂમ કિંમત 90 લાખ 98 હજાર છે. ભારતીય બજારમાં પોતાની ભાગીદારી વધારવા માટે ઔડી એક પછી એક અનેક મોડેલ લોન્ચ કરી રહી છે.

વર્તમાન મોડેલ
ઔડી ભારતમાં એ-4, એ-6 અને હવે એ-8 મોડેલ વેચી રહી છે. તેની સાથે જ અહીં ક્યુ-5 અને ક્યુ-7 એસયુવી જેવા મોડેલ પણ વેચાણ માટે બજારમાં રજૂ કરાયા છે.

ઔડી આર-8વી 10: ઔડીએ પોતાની ગાડી આર-8 વી-8ને વર્ષ 2008માં બજારમાં રજૂ કરી હતી. હવે આ ગાડીને અપગ્રેડ કરીને આર-8 વી-10 નામે ભારતીય બજારમાં રજુ કરાઈ છે. તેમાં વી-10 એન્જિન ફિટ કરેલું છે. રૂ.1.35 કરોડની આ કાર આયાત કરેલી છે.

ઔડી એ-8એલ: આ ગાડીમાં 4.2 લિટર વી-8 એન્જિન ફિટ કરેલું છે. જે 372 બીએચપીની ક્ષમતા ધરાવે છે. ગાડીને એલ્યુમિનિયમ સ્પેસ ફ્રેમથી બનાવેલી છે, જેને કારણે તેનું વજન પણ ઓછું છે. ગાડીમાં દુર્ઘટના સમયે ઓછામાં ઓછું નુકસાન થાય તેની પણ પૂરતી વ્યવસ્થા કરવામાં આવી છે.

ગાડી લક્ઝરીના હિસાબે અત્યાર સુધીની બીજી ગાડીઓ કરતાં શ્રેષ્ઠ છે. પાછળ બેસનારા લોકોનું તેમાં ખાસ ધ્યાન રાખવામાં આવ્યું છે. મસાજ સીટ ઉપરાંત ફ્રીજ અને સીટ વેન્ટિલેશનની પણ સુવિધા આપવામાં આવી છે.

નવી લોન્ચ થનારી ગાડીઓ

એ-7
ઔડીની નવી લોન્ચ થનારી ગાડી એ-7ની વાત કરીએ તો તેમાં 6-વી એન્જિન ફિટ કરેલું છે. તેની લંબાઈ 16.31ફૂટ, પહોળાઈ 6.27 ફૂટ અને ઊંચાઈ 4.66 ફૂટ હશે. તેની કિંમત લગભગ રૂ.70 લાખ હોઈ શકે છે. તેમાં એલ્યુમિનિયમ, લાકડાં અને લેધરનો ઉપયોગ કરાયો છે.

એ-6
કંપની પાંચ વિવિધ એન્જિનોમાં આ ગાડી લોન્ચ કરી શકે છે. આ ગાડી દેખાવની દ્રષ્ટિએ તો શ્રેષ્ઠ હશે જ, પરંતુ તેટલી જ આરામદાયક હશે. તેમાં એલ્યુમિનિયમ અને હાઈ ટેક સ્ટીલનો પ્રયોગ કરાયો છે. એલઈડી લાઈટના જાદુ સાથે તેની લંબાઈ 16.4 ફૂટ, પહોળાઈ 6.14 ફૂટ અને ઊંચાઈ 4.79 ફૂટ છે.

વિદેશી કાર નિર્માતા કંપનીઓ હવે ભારત પર નજર દોડાવી રહી છે. આ વર્ષે ભારતીય માર્ગો પર એક-એકથી ચિઢયાતી મોંઘી અને લકઝરિયસ કારો દોડવાની છે. આવી જ એક કંપની ઔડી પણ ભારતમાં પોતાની નવી કાર લોન્ચ કરવા આતુર છે.

Read More